web counter
LEXO PA REKLAMA!

SHKARKO APP

App Store
Google Play

Premiera e dokumentarit “Spaç 1973, Martirët e Lirisë”/ Jo thjesht një histori

5 Shkurt 2026, 21:06, Opinione Mimoza Rexhvelaj

Premiera e dokumentarit “Spaç 1973, Martirët e

Sot kisha një ftesë nga Fondacioni Konrad Adenauer dhe Unioni Mbarëkombëtar i Integrimit të të Burgosurve Politikë të Shqipërisë, për të ndjekur premierën e dokumentarit “Spaç 1973, Martirët e Lirisë”, kushtuar revoltës antikomuniste të Spaçit, me autor Dr. Besim Ndregjoni.


Kam vite që përballem me veten për të vizituar Burgun e Spaçit dhe asnjëherë nuk kam shkuar. Nuk e kam ndier veten gati të përballem me një vend ku babai im i ndjerë kaloi dymbëdhjetë vite të rinisë së tij, ende nuk jam aq e fortë, sa për  të ecur mbi atë tokë pa u dridhur prej dhimbjes. 

Teksa ndiqja dokumentarin, m’u bë e qartë ajo që shpesh përpiqemi ta fshehim në fund të shpirtit.

Shtresa jonë vazhdon të mbetet e dënuar politikisht. Jo vetëm që falja nuk u kërkua kurrë, por as respekti i merituar nuk na është dhënë si pasardhës të atyre burrave, që lanë jetën në galeritë e Spaçit.

Pranë meje ishte zonja e nderuar Fatbardha Saraçi Mulleti, studiuese dhe shkrimtare, e cila me penën e lagur në dhimbje ka skalitur ngjarje dhe personazhe nga kampet e diktaturës, duke u dhuruar përjetësi mes faqeve të librave të saj.

Dua të falënderoj Besim Ndregjonin për ftesën dhe për punën e palodhur që ka bërë dhe vazhdon të bëjë me shtresën e të përsekutuarve politikë, si edhe Fondacionin që na qëndron pranë dhe na mbështet në çdo organizim.


Miq, Spaçi nuk është thjesht një histori për t’u treguar si gojëdhënë, por një plagë e madhe, që vazhdon të pikojë dhimbje. Është një llogari e pambyllur me kohën, me sistemin, me qeverinë, me diktaturën, që i ka zgjatur kthetrat e së keqës edhe sot.

Derisa kjo llogari të mbyllet me dinjitet, me kërkim faljeje, me rindërtimin dhe kthimin e Spaçit në muze, me gjetjen dhe nderimin e të gjithë atyre burrave dhe grave që edhe sot nuk u gjenden eshtrat dhe nuk kanë një varr, asnjëri prej nesh nuk mund të jetë vërtetë i lirë. 





16:50 Opinione Belind Këlliçi

Dy pyetje për Edi Ramën

Edi Rama paska zbuluar sot në kohë rekord në mënyrë të rru...

15:10 Opinione Belind Këlliçi

Tallja me varfërinë!

Dje foli në Kuvend Petrit Malaj, ministër i Financave. Një...

Lajmet e fundit nga