web counter
LEXO PA REKLAMA!

SHKARKO APP

App Store
Google Play

E fundit!

x

Rezoluta 6411 nga SHBA-ja zgjidh drejt çështjen e Krahinës Shqiptare

28 Janar 2026, 08:40, Opinione Refik Hasani

Rezoluta 6411 nga SHBA-ja zgjidh drejt çështjen e Krahinës

Prezentimi i Projektligjit të Rezolutës, e iniciuar nga Kongresmeni amerikan Keith SELF, Kryetar i Nënkomitetit për Europë i cili më 21 janar 2026, në mbledhjen e Komitetit për Punë të Jashtme të Kongresit të SHBA-së inicoi duke prezantuar Rezolutën H.R. 

Përmes dëshmive të bollshme paraqiti diskriminimin sistematik të komunitetit etnik shqiptar në Preshevë, Medvegjë dhe Bujanoc.

Procedura ligjore, Rezoluta, pas vlerësimit nga Komisioni përkatës, do të raportohet nga Komiteti për Punë të jashtme, dërgohet për votim në Dhomën e Përfaqësuesve. Më pas kalon në Senatin e SHBA-së dhe në fund i dërgohet Presidentit të SHBA-së për nënshkrim. Miratimi i Projektligjit të Rezolutës përbën një akt me rëndësi të veçantë juridike dhe politike, i cili synon ndalimin e çdo forme diskriminimi dhe garantimin e të drejtave themelore të popullsisë shqiptare.

Rëndësia juridike dhe politike:

Miratimi i kësaj Rezolute përbën një akt me rëndësi të veçantë juridike dhe politike, bazë normative ndërkombëtare për ndaljen e diskriminimit dhe garanci për mbrojtjen dhe avancimin e të drejtave themelore dhe kolektive të shqiptarëve etnikë në rajonin e Preshevës, Medvegjës dhe Bujanocit.

Zbatimi i saj synon një zgjidhje të drejtë, të qëndrueshme dhe ligjërisht të bazuar, në përputhje me parimet universale të të drejtave të njeriut, barazinë para ligjit dhe instrumentet e së drejtës ndërkombëtare.

Dimensioni historik dhe ndërkombëtar

Ky është një zhvillim me trajtim dhe vlerë historike sepse çështja e Krahinës Shqiptare është ndërkombëtarizuar në nivelet më të larta të vendimmarrjes së politikës së jashtme të SHBA-së. Ka arritur në Kongres, Senat dhe Administratën Presidenciale.

Krahinës sonë i njihen veçoritë thelbësore: Popullsi autoktone shqiptare, vullnet plebishitar i shprehur në Referendumin e 1-2 marsit 1992, sakrifikim dhe mbrojtje përmes luftës së armatosur (UÇPMB).

Marrëveshja e Konçulit (2001), e pazbatuar nga Serbia

Kjo rezolutë krijon bazë normative për trajtimin e çështjes së Krahinës Shqiptare në përputhje me parimet universale të të drejtave të njeriut, barazisë para ligjit, siç përcaktohen nga e drejta ndërkombëtare dhe instrumentet përkatëse ndërkombëtare.

Zbatimi i kësaj rezolute do të kontribuojë në një zgjidhje të drejtë, të qëndrueshme dhe ligjërisht të bazuar të çështjes së Krahinës Shqiptare, duke respektuar standardet ndërkombëtare dhe rendin juridik demokratik.

Është një hap i rëndësishëm drejt llogaridhënies, të mbrojtjes dhe avancimit të të drejtave themelore të njeriut dhe të drejtave kolektive të shqiptarëve etnikë në Serbinë Jugore. Njëkohësisht është edhe në mbrojtje të vlerave demokratike, kurse për Krahinën tonë ka veçori-dallohet sepse jemi autokton, pastaj kemi shprehur vullnetin plebishitar, dhe kemi manifestuar sakrificën edhe kemi mbrojtur pragun përmes luftës së armatosur.

Ky është një zhvillim me tretman dhe vlerë HISTORIKE, se ndërkombëtarizimi ka arritur në nivelet më të larta të vendimmarrjes së politikës së jashtme të SHBA-së, dhe çështja e Krahinës sonë në instanca e mekanizma më të lartë të Senatit, Kongresit dhe Presidentit të SHBA-së.

Kjo flet se në këtë Krahinë ka një diskriminim sistematik dhe mbi të gjitha nuk e ka të zgjidhur statusin politik dhe juridik, pra është një kapitull i ri dhe një moment shumë domethënës për shqiptarët e kësaj Krahine.

Është një mbështetja thelbësore që tani e tutje nga kjo Rezolutë, do të kemi edhe nga Administrata më e lartë Capitol Hill-Shtëpia e Bardhë.

Pasi ne kemi mbajtur Referendumin e 1 e 2 Mars 1992 dhe sakrificës e kryengritjes së armatosur përmes luftës së UÇPMB-së, që mbrojti pragun, dinjitetin dhe identitetin e kësaj Krahine, por edhe arritjes së Marrëveshjes së Konçulit.

Zbatimi i Rezolutës së miratuar është veprim konkret me efekte dhe ndikim ndërkombëtar, dhe do të reflektojë shumë pozitivisht edhe në ndërkombëtarizimin e mëtejmë të çështjes së pazgjidhur të kësaj Krahine. Presim intensifikim, dinamizim jo vetëm nga SHBA-ja, por edhe nga instanca të BE-së dhe OKB-së.

Serbia vazhdon shkelje të rënda, cenim të vazhdueshme, mohim sistematik shtetëror, diskriminimi klasik, pasi nuk ka zbatuar të gjitha marrëveshjet e nënshkruara me përfaqësuesit politikë të shqiptarëve të këtij Rajoni në vitet 2001, 2009, 2013 dhe 2022, kur kësaj i shtojmë, si:

Mospërfaqësimi me vende të rezervuara në Parlament të Serbisë, por edhe Serbia nuk zbaton marrëveshjen e Konçulit të arritur më 20 maj 2001, pasi aktulisht janë 48 minibaza ushtarake, në Zonën Tokësore të Sigurisë, sepse kemi militarizim më të lartë në Europë, që ka përqendrim në Preshevë, Medvegjë e Bujanoc, armatime e arsenale të ndryshme luftarake që janë në gatishmëri lufte, moskthimi i Gjykatës Themelore në Preshevë, dhe mospërfaqësimi proporcional i gjykatësve, prokurorëve, moszbatim në hapjen e një Spitali Regjional, me gjithë klinikat përkatëse për pacientë të Preshevës, Medvegjës dhe Bujanocit, mosndalja e diskriminimit përmes pasivizimit të adresave-një pastrimi etnik, mosndalja e praktikave margjinalizuese-diskriminuese, janë fshirë, shprehur në numër, mbi 25 mijë qytetarë shqiptarë, u janë pasivizuar adresat nga regjistrat civilë, janë pasivizuar në kuptimin administrativ, duke i humbur të gjitha të drejtat, mosmundësia e shkollimit në nivel Universiteti, moszbatimi që Komandantë të Policisë në këto komuna, të jenë nga përkatësia nacionale shqiptare, pra mosintegrimi proporcional i shqiptarëve në strukturat shtetërore të ndjeshme të sigurisë, moskthimi i Lapidarit të dëshmorëve të UÇPMB-së, në Preshevë, moskompensimi i dëmeve të shkaktuara nga konfliktet e armatosura, mosinvestim nën tendenca të vazhdueshme për shpërngulje, mosndërprerja e përdorimit të gjuhës me urrejtje, racizëm dhe ksenofobi, moszbatimi në hapjen-themelimin e një Instituti për trashëgimi Kulturoro-Historike, mosndalimi i diskriminimit në kulturë, në informim, në investime, u jemi ekzpozuar frikës, militarizimit, nën tendenca të vazhdueshme për shpërngulje, asimilim e pastrim Etnik.

Kështu është e arritur qartë, se kjo Krahinë i përket Europës. Nuk e ka të zgjidhur statusin politik dhe juridik, kërkon zgjidhje të drejtë, të pranueshme dhe të garantuar nga faktori ndërkombëtar politik dhe ushtarak, dhe pas kësaj Rezolute nga SHBA-ja, do ta kushtëzojnë dhe detyrojnë Serbinë në realizimin e zbatimit të të gjitha marrëveshjeve.

Pas Rezolutës së SHBA-së, kërkohet vazhdimësi e procesit në Bashkimin Europian dhe Organizatën e Kombeve të Bashkuara.

 

 





Lajmet e fundit nga