web counter
LEXO PA REKLAMA!

SHKARKO APP

App Store
Google Play

E fundit!

x

Ky establishment politik ka skaduar/ Forcat politike të tranzicionit duhen zhbërë për të krijuar të reja

27 Janar 2026, 22:49, Opinione Armir Shkurti

Ky establishment politik ka skaduar/ Forcat politike të tranzicionit duhen

Ka vite që them: "KY ESTABLISHMENT POLITIK KA SKADUAR. FORCAT POLITIKE TË TRANZICIONIT DUHEN ZHBËRË PËR TË KRIJUAR TË REJA"

Unë ndjek me shumë vëmendje dhe interes çdo lëvizje apo nismë. Pra edhe krijimin e "Forumit të dialogut politik".
Po e le për sonte qëndrimin tim antiestablishment për ta parë këtë forum në kontekstin e tashëm.

Le ta nisim nga AUTORITETI.

Në deklaratën e tyre thonë se janë "një grup qytetarësh të pavarur nga partitë, por me qëndrim opozitar". Ky grupim merr përsipër të lehtësojë dialogun mes partive të opozitës dhe "rakordimin e qëndrimeve dhe vendosjen e një bashkëpunimi të pranueshëm mes tyre".

Mesa kuptoj unë, ky grup qytetar pa parti merr përsipër ndërmjetësinë dhe bashkëpunimin e forcave që janë kundër Ramës. Si shembull: Berisha, Arlind Qori, Adriatik Lapaj, Agron Shehaj etj kanë gjasa të bashkëpunojnë tash e tutje sepse do ti afrojë Forumi....

Atëhere vij tek pyetja: ME ÇFARË AUTORITETI?

Për ta kuptuar pyetjen, le ta nisim me një analizë të thjeshtë: "Çfarë (kush) i pengon partitë në opozitë të dialogojnë apo të bashkëpunojnë" ? Në thelb, që të gjithë e nisin dhe e përfundojnë me "Rama ik". Por, përveç kësaj, që të gjithë , përveç PD identifikojnë si problem edhe Berishën. Natyrisht, edhe njëri - tjetrin: Lapaj me Shehajn u përplasën në gjykatë, Qori nuk i përfill por as atë s'e qasin, me pretekstin se "është marksist". Kjo është një analizë e thjeshtëzuar, por në thelb kështu janë punët. Vërtet të gjithë duan ta heqin Ramën, ama po aq duan të shmangin Berishën dhe njëri - tjetrin për ta marrë sa më të madhe thelën. Në një bashkim të mundshëm, përveç Berishës, që të gjithë të tjerët do të humbisnin kuptimin e ekzistencës dhe po ashtu edhe ndjekësit bashkë me zgjedhësit.
....

Që t'i bësh bashkë gjithë "shejtanët" duhet një autoritet i lartë zyrtar, politik a moral. Për shembull, dikur kanë pas qenë ambasadorët. Po ky "grupi i qytetarëve të pavarur nga partitë"? Çfarë autoriteti mund të ketë mbi partitë?
Kjo mund të ndodhë nëse vetë partitë, me dëshirë dhe përkushtim të madh për bashkëpunim, prodhojnë një artificë të tillë për sy e faqe të publikut. A është ky forum ky lloj produkti?

Do të më pyesësh "nga e çon fantazinë kaq larg"?

Jooo! Katër muaj më parë, jemi dëshmitarë të një formule shumë pranë kësaj. Agron Shehaj propozoi për zgjedhjet e parakohëshme për 6 bashki , kandidatë... (kujdes!!) TË PAVARUR NGA PARTITË! Dhe "rastësisht" një prej "të pavarurve" të Shehajt ndodhet në foton poshtë, të themeluesve të Forumit.

Nëse është kjo premisë, shpjegimin përse është dështim e dhashë më sipër.

Po marrim rastin se, në vrarjen e mendjes se si të shpëtojmë nga "degradimi i qeverisjes dhe përhapja e korrupsionit në të gjithë nivelet e saj, rritja e pushtetit të krimit të organizuar dhe narkotrafikut" etj, ky grupim e ka krejt sinqerisht:  "A s'bëhemi ca intelektualë dhe shpëtojmë vendin"?

Dhe kanë rrahur mendime dhe u ka dalë përfundimi se "na duhet të afrojmë partitë e opozitës me njëra tjetrën që ato ta rrëzojnë Ramën".

Është shumë e bukur si ëndërr, por a janë gati partitë e opozitës t'ia dorëzojnë këtë kurorë një grupi pa identitet (pa diskutuar aspak emrat dhe vlerat e secilit tek e tek). Pra që Forumi të jetë kumbari i opozitës, faktori që i shpëton nga falimentimi dhe përgjegjësitë e derisotme....?

Tani kthehem tek këndi im. Ajo që prej vitesh them se : NEVE NA KANË PUSHTUAR! NË SHQIPËRI, PUSHTUESI NA KA GRABITUR LIRITË, KA ASGJËSUAR DEMOKRACINË DHE KA DEFORMUAR EKONOMINË LIBERALE TË TREGUT NË EKONOMI MONOPOLISTE, NDËRSA SISTEMI POLITIK, EKONOMIK DHE JURIDIK ËSHTË OLIGARKI".

Në këtë këndvështrim, Forumi i dialogut politik nuk është zgjidhje. Ai është thjesht graso për OLIGARKINË dhe oksigjen për ti dhënë më shumë kohë dhe mundësi establishmentit të shtyjë sa më gjatë. Po ashtu, kamomil për popullin, i cili të flerë rehat sepse qytetarët intelektualë të pavarur po punojnë për bashkëpunimin e opozitës.

Shkurt: nuk e di me apo pa dashje, por në llogaritë e mia ky forum, grupim a quaje ç' të duash, s'është asgjë më shumë sesa tentativë e regjimit për kozmetikë. /CNA





Lajmet e fundit nga