E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Po diaspora partiake, do të marrë pjesë në Primaret e PD!?

24 Janar 2025, 22:48, Opinione Basir Çollaku

Debati brenda Partisë Demokratike për Primaret, rezulton një ekuacion me vështirësi kohore dhe teknike. Ka zëra pro dhe kundër. Si fazë kolaudimi. Nëse do të përfshihen në votim drejtuesit e qarqeve dhe funksionarë të tjerë. Si do të jetë.sjellja mes 1/3 dhe 2/3-ve. Natyrisht përveç kryetarit.

Kryetarëve të partive nëpër degë u kërkohet dorëheqja në raste kandidimi. Një ngërç më shumë. A rriskohet një krizë tjetër e strukturave?! A është 8 janari 2022 në PD një reaksion kimik ndikues në Primare?! A do të vaksinohet ky problem me Alo nga lart?! A do të ketë "mysafir" aleatë tek hyjnë pa radhë e "kundravajtje" për shkak të marrëveshjeve?!

A do të ketë mjaftueshëm kohë pajtimtarie pas rezultateve për të bashkuar forcat përballë kundërshtarëve të rreshtuar pa asnjë zukatje mërzie kur ua kërkon ai, ndonëse ka mjaft sekrete paudhësi si mjet urtësie mes tyre

Po Diaspora Partiake?!

Emigrimi ka anuar egërsisht djathtas në 12 vite. Demokratët ishin dhe janë të dënuar e ndëshkuar nga qeverisja kriminale, në pamundësi pune e biznesi, u bënë të ikurit e mëdhenj jashtë vendit. Mes tyre ka një përqindje të madhe anëtarësie të PD.

Ne me të drejtë do të kërkojmë prej tyre të votojnë me 11 maj. Fushata e regjistrimeve është intensive. Të bëhen sa më shumë. Përtej anëtarësisë. Sa më tepër emigrantë të bashkohen me PD në zgjedhje.

Anëtarësia e ikur si emigracion është hequr edhe nga listat. Arsyet fiktiviteti. Mos-angazhimi. Jetesa jashtë vendit. Motivet janë logjike. Realiteti ka ndryshuar. Ka mjaft prej tyre të përfshirë në jetën partiake edhe në distancë. Madje disa më tepër se anëtarësia aktive. Me protesta. Me shkrime. Pjesëmarrës debatesh.

Prani të shumtë në mediet sociale. Përballje profesionale. Kjo duhet konsideruar. Atyre u kërkohet të votojnë në përballjen me kundërshtarin. Por do kenë pamundësi të votojnë si zgjedhës i brendshëm. Listat një ngatërresë e shpeshtë janë si minë me sahat. Simpatizantët votojnë ndërsa anëtarësia e vjetër, si "vera" jo.

Mund të qëllojë që përfaqësues të bashkatdhetarëve të zgjidhen në listë nga vendimi i kryetarit. Por jo nga vota. Mirë do ishte ata, Diaspora partiake të kishte mundësi të votonte dy herë. Edhe për kandidatin kur e zgjedh partia edhe kur garon ndaj kundërshtarëve pasi ka fituar votën e parë. /CNA