web counter
LEXO PA REKLAMA!

SHKARKO APP

App Store
Google Play

E fundit!

x

PD në shërbim të LSI-së

17 Janar 2025, 12:18, Opinione CNA
PD në shërbim të LSI-së
Ilir Meta dhe Sali Berisha

Flamur Noka, ndryshe nga Sali Berisha, ka artikuluar qartë se Ilir Meta do jetë në listën e sigurtë të Partisë Demokratike.

Ndërsa Sali Berisha ka folur për koalicion me LSI-në, Flamur Noka ka folur për Ilir Metën.

E nëse bashkojmë analizën e asaj çka tha Berisha dhe asaj që saktëson Noka, ka vetëm një konkluzion.

LSI, e drejtuar nga Ilir Meta, do të jetë në zonën e çmuar të listave të Partisë Demokratike.

Berisha ka deklaruar që nuk i pëlqejnë më sondazhet, por nuk jep një shifër se sa karrige parashikon të sigurojë sigla e PD-së në zgjedhjet e 11 majit.

Ndryshe nga Rama, i cili shfaq objektiva që prekin shifra të shumicave që mund të ndryshojnë edhe ligjin themeltar, nga 80 deri ne 84 karrige, Berisha flet për marrje pushteti dhe për rritje vertikale të PD në muajt e fundit. Sikur do që të thotë që rritja ka ndodhur përpara se të nisnin të kryheshin sondazhet, ndaj mesa duket sugjeron që të pritet sondazhi tjetër.

Sidoqoftë Berisha duhet marrë seriozisht kur flet për LSI-në. Dhe sidomos kur pas tij del dhe saktëson Flamur Noka.

Pasi Noka sqaroi që Ilir Meta do jetë në zonën e sigurtë, brenda listave të PD-së, (demek në aleancë me LSI-në), duhet llogaritur lista e shoqëruesve besnikë të Ilir Metës, pa të cilët ai nuk do të bënte dot.

Fundja betejën e radhës për Ilir Metën nuk do ta bëjë Flamur Noka! Ilir Metës i duhen ata 5-6 besnikë, që nuk bëhen dot bashkëpunëtorë të drejtësisë dhe SPAK-ut.

Nëse ndjek dhe studion listën e personave që angazhohen më fort në krye të asaj që ka mbetur nga PD, do gjesh të paktën 6 emra të përcjellë në PD nga Ilir Meta dhe që protestojnë rregullisht në protesta të njoftuara nga PD.

Aq sa i duhen Ilir Metës për ta bërë i vetëm një grup parlamentar, por edhe as sa i duhen Ilir Metës për t'i numëruar si mandate dhe vota të LSI-së. Pra 100 deri 120 mijë vota, si për të dëshmuar që LSI ka marrë aq sa kishte edhe më parë.

E gjitha në kurriz të votave që do të mbledhin demokratët!

Më saktë ata që kanë mbetur e që vazhdojnë të punojnë ende, për atë që u premtohet si fitorja e radhës.

Ndërkohë shifrat e PD do të rrënohen akoma më shumë e pas kësaj, sqarimet se Rama po vazhdon t'u vjedhë pushtetin demokratëve, nuk mund të vlejnë nëse LSI mbetet "e pavjedhur".

Sepse LSI atë elektorat që i është kthyer në shtëpi te PS, po kërkon ta vjedhë në kurriz të votave të PD-së.

Duket sikur PD vazhdon të ekzistojë vetëm për t'i shërbyer LSI-së./ CNA





Lajmet e fundit nga