web counter
LEXO PA REKLAMA!

SHKARKO APP

App Store
Google Play

E fundit!

x

"Arlind Qori, komunist që nuk e thotë se është komunist"/ Hasimja: Fshihet pas eufemizmave

10 Janar 2025, 21:40, Opinione Ermal Hasimja
"Arlind Qori, komunist që nuk e thotë se është
Ermal Hasimja

Mbrëmjen e djeshme në emisionin "Opinion" u zhvillua një debat i ashpër mes gazetarit Blendi Fevziu dhe Kryetarit të Lëvizjes Bashkë, Arlind Qorit për hapësirën mediatike, debat që solli dhe reagime të shumta në rrjet.

Pedagogu Ermal Hasimja përmes një statusi në rrjetet sociale është shprehur se Arlind Qori u viktimizua për mungesën e hapësirës në media dhe kjo është patetike. Po ashtu referuar debatit mbi vijën ideologjike të Lëvizjes Bashkë, Hasimja shprehet se Qori është komunist që nuk pranon se është komunist dhe se përpiqet të krijojë imazhin e njeriut të ndershëm, por nuk thotë atë që mendon.

"Arlind Qori synon të krijojë imazhin e njeriut të ndershëm. Por ndershmëria nis duke thënë të vërtetën për atë që je dhe mendon. Qori është komunist dhe e dinë të gjithë ata që e njohin, por këtë nuk e thotë askund dhe fshihet pas eufemizmave. Ai mbron një ideologji totalitare që shkaktoi 160 milion viktima dhe solli vetëm terror e mjerim në çdo vend ku u zbatua qoftë edhe pjesërisht. Eshtë armik i pronës private, i biznesit dhe i lirisë e jo thjesht i oligarkëve. Identitetin ideologjik e ndan vetëm me ndjekësit e afërt, por jo me publikun. Për mua ka vetëm një nivel më keq se komunisti dhe ky është komunisti që nuk e thotë se është komunist.
Nuk mund të jesh i ndershëm dhe të fshihesh", shkruan Hasimja

Ermal Hasimja shprehet se Arlind Qori u bë i famshëm në emisionet e Fevziut, ndryshe do ta njihnin vetëm studentët që indoktrinon me marksizëm me taksat tona.

"Viktimizimi për mungesë hapësire në media është patetik. Eshtë pikërisht emisioni i Fevziut që e ka bërë të njohur, përndryshe do ta njihnin vetëm studentët që indoktrinon me marksizëm me taksat tona.
Kush mërzitet nga ky status i lutem të më bëjë unfriend. Ndryshe nga Fevziu unë nuk kam ndërmend të lejoj askënd të më tregojë se çfarë duhet të postoj në profilin tim.
Këtë që them e mendojnë plot vetë, por një pjesë nuk e thonë se nuk duan t'u mërziten ata që simpatizojnë Qorin. Aq më tepër që sot është në modë të jesh sallaks. Por e vërteta duhet thënë sidomos kur nuk pëlqehet.
Çfarë u bë me Parashqevinë se na mori malli"? shkruan pedagogu në reagimin e tij.





Lajmet e fundit nga