Albini ka fituar çdo herë që Ramën e ka refuzuar

21 Dhjetor 2024, 08:52, Opinione CNA

Albin Kurti dhe Edi Rama

Edi Rama i ka propozuar Kosovës që të ngrijë dialogun e pafrytshëm me Serbinë dhe t’i premtojë BE-së se do të plotësojë në mënyrë unilaterale të gjitha obligimet e marrëveshjes së normalizimit, për të rifituar besimin e Brukselit.

Po ç'do të thotë kjo në një gjuhë të thjeshtëzuar dhe me një shembull konkret?

Një gjë e tillë nënkupton që përshembull Prishtina të themelojë asocacionin (që Rama e do aq shumë dhe për të cilin ka propozuar dhe një draft sekret) pa marrë në këmbim njohjen "de fakto" që nënkupton marrëveshja 11 pikshe e Brukselit.

Pyetja që shtrohet është: Po sikur Albin Kurti të vendoste ta dëgjonte vëllain e vet të madh, ç’do të ndodhte?

Albini ka fituar çdo herë që Ramën e ka refuzuar

Albin Kurti

Çfarë rreziku ka nëse ai pranon asociacionin pa negociata dhe pranimin e plotë të marrëveshjes, a do të kujtohej më dikush për pikat e tjera që prezumojnë njohjen "de facto" të Kosovës dhe të cilat Vuçiç refuzon t’i nënshkruajë? Po nëse pranonte propozimin për t’i zbatuar unilateralisht të gjitha pikat e marëveshjes të Brukselit edhe nëse Serbia bënte në vend numëro, a do të kishte më qeveria e Prishtinës fuqi negociuese?

Dilema si këto kanë lindur sa herë kryeministri shqiptar ka hedhur ndonjë ide apo ka bërë ndonjë propozim.

Çdo të ndodhte nëse Albin Kurti pranonte se rrëmbimi i tre policëve nuk u bë brenda kufirit kosovar? Po nëse nuk e denonconte refuzimin e Vuçiçit për t’i vënë sanksione Putinit? Po nëse e hante shantazhin se Kosovës do t’i pezullohej liberalizimi i vizave?

Edi Rama dhe Albin Kurti

Po nëse e dëgjonte Ramën për të nxjerrë Oso Kukat nga komunat dhe serbët e zgjasnin krizën duke e vazhduar bojkotimin e zgjedhjeve siç dëshmuan më pas?

Po nëse pranonte marrjen e veriut nën kontrollin e KFOR-it, duke e konsideruar si tokë të askujt?

Po nëse nëse dëgjonte sygjerimin për t’u sjellë si lake i bindur i ndërkombëtarëve, a do të të ishte e mundur shtrirja e sovranitetit në veri që e ka konstatuar tashmë grupi ndërkombëtar i krizave edhe gazeta “Le Monde”?

Konkluzioni: Albini ka dalë i fituar çdo herë që Ramën e ka refuzuar.