E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Ne nuk jemi Britania… ne jemi Sri Lanka

11 Korrik 2022, 14:13, Opinione Edi Paloka

Kryebashkiaku Erion Veliaj në forumin ekonomik të Sri Lankës, në 2016

Dje një status timin e mbyllja me fjalët: “Ne nuk jemi Britania… ne jemi Sri Lanka”.

Që nuk jemi Britani, këtë e di kushdo, po pse jemi Sri Lankë? Ku janë ngjashmëritë me një vend dhe popullsi kaq të ndryshme nga ne?

Ngjashmëria është te situata politiko-ekonomike, shkaqet dhe faktorët, por mbi të gjitha në faktin që autori dhe projektuesi i kësaj situatë është i njëjti, Xhorxh Soros, i njohur si spekulanti më i madh i këtyre kohërave.

Ajo që po ndodh në Sri Lankë është çfarë po përgatitet prej kohësh për shqiptarët…

Po pse? Kush na urren kaq shumë sa të kërkojë të na çojë drejt falimentimit?

Në këtë rast do të zinte vend ajo shprehja cinike: “Asgjë personale. Vetëm biznes!”

Shkurt.

Spekulantët shfrytëzojnë situatat e krizës, për të përfituar. Po si? Një mall i munguar në treg, në mënyrë spekulative merr vlerë disafish mbi vlerën e tij reale. Ndërkohë, një mall i zhvlerësuar blihet më lirë sesa vlera e tij reale. Kjo ndodh rëndom me ndërmarrjet që falimentojnë, po ndodh dhe në nivel shtetesh…! Në botë ka spekulantë e “peshkaqenë” që merren vetëm me këtë. Ata i çojnë ndërmarrjet drejt falimentimit që pastaj t’i blejnë sa më lirë. Kjo gjë ndodh dhe në nivel shtetesh.

Këtyre monstrave u shërbejnë luftërat dhe krizat, prandaj edhe kur ato nuk ekzistojnë, i krijojnë ato.

Soros është pa dyshim kryemonstra në këtë fushë. Në Angli është shpallur “non grata”. Në Itali njihet si monstra që shkatërroi liretën italiane. E bëhet fjalë për dy nga vendet më të zhvilluara.

Po sigurisht që situatat e krizës shkaktohen shumë më lehtë, në vende të prapambetura e ku kontrollohet qeveria. Qeveri që vendosen e mbahen në pushtet nëpërmjet korrupsionit, pikërisht që të punojnë kundër popullit të tyre.

Jo më kot, që kur evidentohen, për t'u promovuar më vonë, e deri sa të ngrihen drejt pushtetit, të zgjedhurit e Sorosit, janë qenie që mëshirojnë gjithë të këqijat e një qenieje njerëzore. Ata janë qenie pa ndjenja e që janë gati të shesin këdo për interesin dhe pushtetin e tyre. E çfarë është më kryesorja, ata duhet të jenë sa më të kontrollueshëm e të shantazhueshëm në rast se ndodh të “rebelohen”.

Prandaj, nëse dikush mendon se Rama dhe Veliaj janë një rastësi, e ka shumë gabim. Ata janë përzgjedhur që në fillim pikërisht për deformën e tyre njerëzore. Janë promovuar, financuar, ngritur në pushtet e po mbahen në pushtet pikërisht sepse vetëm qenie si ata mund të pranojnë me vullnet të plotë të shkatërrojnë vendin dhe popullin e tyre. E nëse për Sorosin kjo është “just business”, ata që na urrejnë e po na e bëjnë të keqen, i kemi në krye të shtetit.

Prandaj ne jemi Sri Lanka.

Po a do të presim derisa të falimentojmë për të reaguar si në Sri Lankë…?