Amnistia Fiskale... sa e përfolur, sa joshëse, sa "e urryer"!

1 Tetor 2022, 19:38, Opinione Muharrem Meko

Amnistia Fiskale... sa e përfolur, sa joshëse, sa "e

Muharrem Meko

Por gjithsesi vazhdimisht kundërshtohet, si një tmerr...;

- nga ata që vërtetë janë të sinqertë në këtë qasje ndaj saj...

- nga ata që e duan, por bëjnë sikur i tremben...

- e habitshme..., por edhe nga nga ato vende ku ka lindur dhe është aplikuar, si një praktikë e suksesshme...!!!?

Personalitete të fushës, kanë guxuar ta pranojnë deri edhe si një "ndërhyrje kirurgjikale" në ekonominë e një vendi; natyrisht, aspak të lehtë e me rreziqe... por gjithnjë si një alternativë!

Fatmirësisht s'është shpikje shqiptare; të gjithë e dimë se shumë nga këta "kampionët" që sot e kundërshtojnë si iniciativë e kanë bërë për hesap të tyre, prej kohësh..., por në heshtje e jo duke bërë tellallin!

E pra, duke e pasur edhe këtë "eksperiencë" të tyren; heshtjen si mjet "të suksesit", përse u dashka gjithë kjo zhurmë?!

...Kur fare thjeshtë, mund të jepen "porosi" nëpër dogana, porte e aeroporte, për "zbutje" të kontrolleve rutinë... sipas motos;- "... një sy qorr e nje vesh shurdh..."!

Mendimi im...? - S'kam droje për ta shprehur, duhet bërë, një orë e më parë!

Sepse është me leverdi për vendin... por sidomos në interes të mijëra e mijëra familjeve të emigrantëve; jo atyre që merren me punë të pista e as për t'i stimuluar ato, por atyre që u bie bretku e punojnë si skllevër në dy e tri punë; madje në të zezë për të ndihmuar prindërit e tyre të përballojnë mjerimin, këtu në Shqipëri!