web counter
LEXO PA REKLAMA!

SHKARKO APP

App Store
Google Play

Si të zbusni sërish peshqirët e përdorur/ Mënyra të thjeshta në shtëpi

25 Shkurt 2024, 14:01, Lifestyle CNA
Si të zbusni sërish peshqirët e përdorur/ Mënyra
Foto ilustruese

Peshqirët janë pa dyshim një ndër gjërat më të përdorura në shtëpi. Duke qenë se janë vetëm njëpërdorimësh duhen larë shumë shpesh. Për pasojë do të kenë tendencën të bëhen më të ashpër dhe të thajnë më pak lëkurën tuaj.

Për të parandaluar që peshqirët tuaj të forcohen dhe për t’i pasur për një kohë sa më të gjatë në përdorim ndiqni këto këshilla.

AgroWeb.org ju këshillon të ndiqni hap pas hapi këto mënyra të shpejta që funksionojnë më mirë se zbutësi i zakonshëm i rrobave.

Uthull dhe limon

Uthulla është një zbutës natyral. Megjithëse ka një aromë të fortë gjatë procesit të larjes së rrobave nuk do të mbesë asnjë aromë e keqe. Mbushni lavatriçen me peshqirë dhe te hapësira e dedikuar për zbutësin hidhni 3 lugë uthull dhe një lugë lëng limoni dhe bëni një paralarje me ujë të ftohtë. Mjafton ky truk i vogël për t’i bërë peshqirët tuaj jo vetëm më të butë, por funksionon edhe si dezinfektues natyral.

Kamomili

Metoda me kamomil është një ndër më delikatet dhe të preferuarat për shkak të aromës së mirë që lë pas. Ngrohni rreth një litër ujë derisa të ketë filluar zierjen. Më pas hiqeni nga zjarri dhe shtojini 4-5 bustina çaji kamomil ose kamomil të freskët.

Lëreni kamomilin të lëshojë të gjithë ekstraktin e tij në ujë, derisa uji të jetë ftohur. Më pas hidhni ujin në një legen apo kovë dhe në të zhysni peshqirët e pastër.

Bëjeni këtë për 2-3 minuta derisa të jenë lagur plotësisht dhe më pas lërini të thahen, por jo direkt në kontakt me diellin. Këtë proces mund ta kryeni natën apo në ditët kur nuk ka shumë diell. Me këtë metodë peshqirët tuaj do të fitojnë butësinë e humbur dhe një aromë të mrekullueshme.

Soda e bukës

Në një legen me ujë të ngrohtë hidhni një lugë gjelle sodë buke. Zhytini peshqirët në ujë dhe lajini me dorë. Lërini në ujë gjatë gjithë natës dhe më pas lajini me ujë të bollshëm.

Vërini të thahen dhe peshqirët tuaj do të jenë shumë më të butë se më parë./AgroWeb.org





Lajmet e fundit nga