web counter
LEXO PA REKLAMA!

SHKARKO APP

App Store
Google Play

E fundit!

x

Pas sulmit me armë/ “Top Channel” merr vendimin për “Big Brother VIP”

28 Mars 2023, 21:51, Lifestyle CNA

Pas sulmit me armë/ “Top Channel” merr vendimin për

Një sulm me armë u regjistrua ndaj televizionit kombëtar “Top Channel” në orët e para të së hënës, ku mbeti viktimë një roje.

Breshëria e armëve ka shqetësuar familjarët e banorëve të “Big Brother VIP”, për të cilët u aludua në media se kanë kërkuar të nxirren konkurentët jashtë.

Por mbrëmjen e sotme u mbajt spektakli i radhës, ku moderatorja Arbana Osmani komunikoi vendimin që “Top Channel” ka marrë në lidhje me transmetimin e këtij spektakli.

Si fillim Arbana vuri në dijeni banorët për gjithçka ka ndodhur jashtë shtëpisë dhe i la ata të lirë të zgjedhin nëse do ta vazhdojnë rrugëtimin e “Big Brother VIP” apo nëse do ta ndërpresin.

Konkurentëve iu la e drejta të marrin vendim personal për këtë eksperiencë dhe gjithashtu vendim të përbashkët nëse do të mbyllet  më herët sesa ishte parashikuar edicioni i dytë i “Big Brother VIP’.

Gjithashtu, Arbana deklaroi se të gjithë konkurentët do të kenë mundësi të komunikojnë me familjarët para se të shprehen përfundimisht.

Spektakli i mbrëmjes së sotme zgjati vetëm 40 minuta dhe në orët apo ditët në vijim do të dilet me një vendim final./ CNA.al





Lajmet e fundit nga