web counter
LEXO PA REKLAMA!

SHKARKO APP

App Store
Google Play

E trishtë/ Ylli i pop-it ndahet nga jeta në moshën 35-vjeçare

12 Dhjetor 2023, 09:22, Lifestyle CNA
E trishtë/ Ylli i pop-it ndahet nga jeta në moshën
Zahara

Ylli i muzikës pop në Afrikës së Jugut, fituese e çmimeve, Bulelwa Mkutukana, e njohur gjerësisht si Zahara, ka ndërruar jetë në moshën 35-vjeçare.

Lajmi është bërë i ditur nga ministri i Kulturës i vendit.

Sipas mediave të huaja, Zahara ishte shtruar në spital dhe thuhet se kishte komplikime të mëlçisë.

Këngëtarja fitoi famë në vitin 2011 me albumin e saj "Loliwe", i preferuar në të gjithë Afrikën.

Në vitin 2019, Zahara foli për betejën e saj me varësinë ndaj alkoolit.

Muajin e kaluar, familja konfirmoi se ajo ishte pranuar në spital dhe u bëri thirrje afrikano-jugorëve që të luteshin për jetën e këngëtares.

Ajo ndërroi jetë të hënën në mbrëmje në një spital të Johanesburgut.

Ndërkohë që familja e saj nuk ka dhënë ende një deklaratë zyrtare, fansat janë pikëlluar dhe kanë ndarë kujtime të bukura në rrjetet sociale.

Zahara ishte fituese e dhjetëra çmime në vend dhe ndërkombëtare. Këngëtarja përdori gjithashtu platformën e saj për të folur për dhunën ndaj grave në Afrikën e Jugut, diçka që ajo zbuloi se i kishte ndodhur dhe asaj.

Në një intervistë me një radio lokale vitin e kaluar, Zahara tha se muzika e saj nuk ishte për njohje, por për të sjellë ngushëllim për shpirtrat e thyer që kanë nevojë për shërim./ CNA





Lajmet e fundit nga