web counter
LEXO PA REKLAMA!

SHKARKO APP

App Store
Google Play

Për herë të parë në 50 mijë vjet/ NASA zbulon kur do të shfaqet në qiell kometa e gjelbër

10 Janar 2023, 08:48, Kuriozitete CNA
Për herë të parë në 50 mijë vjet/ NASA zbulon kur
Foto ilustruese

Një kometë e zbuluar së fundmi do të shfaqet së shpejti në qiell për herë të parë në 50,000 vjet.

E zbuluar më 2 mars 2022 nga astronomët, duke përdorur kamerën e vëzhgimit, kometa do të afrohet me diellin më 12 janar, sipas NASA-s.

E quajtur C/2022 E3 (ZTF), kometa ka një orbitë rreth diellit që kalon nëpër skajet e jashtme të sistemit diellor. Kjo është arsyeja pse është bërë një udhëtim kaq i gjatë dhe është dashur një kohë e gjatë, për të kaluar përsëri pranë Tokës, sipas Shoqërisë Planetare.

Kometën do të mund ta shihni me teleskop ose dylbi në pjesën verilindore pak para mesnatës.

Objekti qiellor i akullt, i cili ndriçon vazhdimisht ndërsa i afrohet diellit, do të bëjë kalimin më të afërt me Tokën midis datës 1 shkurt dhe 2 shkurt, rreth 26 milionë milje (42 milionë kilometra) larg, sipas EarthSky.

Ndërsa kometa i afrohet Tokës, vëzhguesit do të jenë në gjendje ta dallojnë atë pranë yllit të ndritshëm Polaris, i quajtur gjithashtu “Ylli i Veriut”.

Sipas NASA-s, kometën do të mund ta shihni në orët e para të mëngjesit.

Kometa do të mund të dallohet nga yjet e tjerë për shkak të ngjyrës së gjelbër dhe formës. Koma është një mbështjellje që formohet rreth një komete, ndërsa kalon afër diellit, duke bërë që akulli i saj të sublimohet ose të kthehet drejtpërdrejt në gaz. Kjo bën që kometa të duket e paqartë kur vëzhgohet përmes teleskopëve./ CNA.al





Lajmet e fundit nga