web counter
LEXO PA REKLAMA!

SHKARKO APP

App Store
Google Play

E fundit!

x

Beethoven në Universitetin e Arteve/ Dy kompozime ekzekutohen nga Orkestra e RTSH-së

7 Mars 2026, 11:06, Kulturë CNA

Beethoven në Universitetin e Arteve/ Dy kompozime ekzekutohen nga Orkestra

Triple Concerto dhe Simfonia nr. 5 e Beethovenit do të vijnë në një ekzekutim të veçantë në skenën e  Universitetit të Arteve në Tiranë më 13 Mars, ora 19:00.

Orkestra e RTSH-së nën dirigjimin e Facundo Agudin, me solistët Merita Rexha Tërshana në piano, Ermir Abeshi në violinë dhe Giuliano de Angelis në violonçel, do të sjellin një shfaqje që premton për emocione.

Violinisti Ermir Abeshi është i vlerësuar me çmime ndërkombëtare dhe ka një karrierë të gjatë artistike, ndërsa solistja Merita Rexha numëron shumë koncerte brenda dhe jashtë vendit, si një ndër pianistet më të spikatura shqiptare.

Muzika e Beethoven pritet të sjellë tinguj të fuqishëm që do të mbushin mbrëmjen në sallën e madhe të Universitetit të Arteve, ku publiku ftohet për të përjetuar një mbrëmje monumentale. Për publikun shqiptar Simfonia numër 5 është mjaft e njohur dhe e preferuar, duke premtuar kështu për një interesim më të madh në këtë koncert klasik në kryeqytet.

Orkestra e RTSH-së ka nisur prej shtatorit 2025 Stinën Koncertore “Beethoven Tirana” dedikuar ciklit të plotë të simfonive të Ludwig van Beethoven, duke ofruar për publikun një udhëtim unik muzikor.

Një ndër ekzekutimet më të famshme të Simfonisë nr. 5, kësaj kryevepre të muzikës klasike, është ajo e Filarmonisë së Berlinit, nën dirigjimin e legjendës Herbert Von Karajan, në vitin 1962./ CNA





09:31 Kulturë Agim Xhafka

Nga fshati në Boston

Rastësisht pashë në facebook Aleksin, shokun tim të gjimna...

Lajmet e fundit nga