web counter
LEXO PA REKLAMA!

SHKARKO APP

App Store
Google Play

E fundit!

x

Nis Java e Karnavaleve në Shkodër/ 5 ditë nën atmosferën e humorit dhe ngjyrave

9 Shkurt 2026, 14:59, Kulturë CNA

Shkodra është zyrtarisht në javën e festimeve të Karnavaleve, një nga ngjarjet më të gjalla dhe të dashura të qytetit, që do të shtrihet përgjatë gjithë javës me aktivitete për të gjitha moshat.

Nis Java e Karnavaleve në Shkodër/ 5 ditë nën

Qyteti do të kthehet në një skenë të hapur me parada karnavalesh, aktivitete për fëmijë, performanca artistike, muzikë, drita dhe surpriza që do ta mbajnë gjallë ritmin e festës.

Drejtorja e Kulturës në Bashkinë Shkodër, Sara Smaja, u shpreh se kjo do të jetë një javë e mbushur me spektakël dhe energji pozitive, duke ftuar qytetarë dhe vizitorë nga të gjitha trevat të bëhen pjesë e festës.

"Java e karnavaleve sapo ka nisur. Nga sot nisin festimet për Karnavalet 2026. Do të ketë disa aktivitete, ekspozita, çdo ditë të hapura. Janë dy koncerte të mëdha të premten e të shtunën, si dhe 2 parada të shtunën e të dielën. Kjo do të jetë fundjavë me shumë ngjyra, me interpretime, humor, parada e plot aktivitete. Ndaj ju ftojmë të bëheni pjesë e saj",-tha drejtorja e Kulturës në Bashkinë Shkodër, Sara Smaja.

Nis Java e Karnavaleve në Shkodër/ 5 ditë nën

Java e Karnavaleve premton të sjellë një qytet plot jetë, ku tradita dhe festa ndërthuren për ta kthyer Shkodrën në kryeqendrën e gëzimit dhe argëtimit./CNA





Lajmet e fundit nga