E fundit!

17:41 Kosova & Bota

Trump tërhiqet nga tarifa prej 20% në Ngushticën e Hormuzit/ Ja me çfarë do ta zëvendësojë masën

Presidenti amerikan Donald Trump është tërhequr nga vendos...

Anne Frank, simboli ndërkombëtar i viktimave të Holokaustit

27 Janar 2026, 14:42, Kulturë CNA

Anne Frank lindi më 12 qershor 1929 në Frankfurt am Main (Gjermani). Ajo kishte një motër më të madhe, Margot. Familja e saj u përball me Depresionin e Madh dhe rritjen e antisemitizmit kur nazistët erdhën në pushtet. Për t’i shpëtuar përndjekjes, familja u zhvendos në Amsterdam në vitin 1933. Anne ndoqi shkollë atje dhe pati një fëmijëri relativisht normale deri në pushtimin nazist të Holandës më 1940.

Në fshehtësi gjatë luftës:

Kur deportimet e hebrenjve nisën në vitin 1942, Fredinand (Otto) Frank ndihmoi familjen dhe disa miq të fsheheshin në një “shtesë sekrete” në zyrën e tij. Atje jetuan nën kushte të rrepta për më shumë se dy vjet, me ndihmën e disa bashkëpunëtorëve besnikë që u siguruan ushqim, furnizime dhe informacione.

Ditari i Anne Frank:

Anne shkroi përvojat e saj në një ditar që e filloi në moshën 13-vjeçare, adresuar ndaj një mikeshe imagjinare që ajo e quante “Kitty”. Ditari u bë vend i fshehtë ku ajo hapi mendimet dhe ndjenjat e saj gjatë kohës në fshehtësi, duke kombinuar shpresën dhe dëshpërimin. Ai snjihet si një dëshmi e drejtpërdrejtë për përjetimet e hebrenjve holandezë nën pushtim nazist.

Deportimi:

Më 4 gusht 1944, nazistët dhe policia holandeze zbuluan dhe arrestuan të gjithë banorët e shtesës sekrete. Ata u transportuan fillimisht në kampin tranzitinal të Westerborkut, dhe më pas në kampin e përqendrimit Auschwitz-Birkenau. Otto Frank ishte i vetmi që mbijetoi luftën; Anne, Margot dhe të tjerët vdiqën në kampin e Bergen-Belsen në pranverë të vitit 1945.

Pas luftës – botimi i ditarit:

Miep Gies, që kishte ndihmuar familjen, shpëtoi ditarin e Anne dhe ia dorëzoi Otto Frank pasi ai u lirua. Otto botoi ditarin në vitin 1947 dhe më pas ai u përkthye dhe u botua në anglisht në vitin 1952. Ai u bë një nga librat më të lexuar në botë kundër racizmit dhe diskriminimit.

Trashëgimia e Anne Frank:

Ditari u përkthye në më shumë se 65 gjuhë, u adaptua në filma, drama dhe biografi grafike, dhe e bëri Anne Frank një figutë ikonike dhe simbol ndërkombëtar të përndjekjes hebreje gjatë Holokaustit, një emër që lidhet ngushtë me kujtesën kolektive të tragjedisë së Shoah-it.