web counter
LEXO PA REKLAMA!

SHKARKO APP

E fundit!

x

Forumi BIZANTIN ose TREGU

14 Dhjetor 2025, 22:26, Kulturë CNA

Forumi BIZANTIN ose TREGU

Monumenet e Periudhës Bizantine janë tregues të qartë të ruajtjes së rëndësisë së Dyrrahut në shek.IV-VI, kur u bë edhe qendër e provincës së Epirit të Ri.

Forumi Bizantin në Durrës, që daton në shek.V dhe që i atribuohet perandorit me origjinë nga Dyrrahu, Anastasit I, që sot njihet si forumi bizantin, shërbeu njëkohësisht si treg dhe si vend për evenimente zyrtare për dy shekuj. Forumi konsiderohet ndër strukturat e ruajtura më mirë në qytet dhe njihet si një nga monumentet më të bukura të epokës romake të vonë dhe periudhës së hershme bizantine në Shqipëri.

Pasi përmbushi funksionin e tij për dy shekuj, u shndërrua përfundimisht në një varrezë në shek. VII.

Forumi i lashtë përbëhet nga një shesh qarkor prej 40 metrash të rrethuar nga një kolonadë me 40 kolona të stilit korintik. Nga 40 kolona origjinale, kanë mbetur vetëm 12, nga këto disa janë të plota dhe të tjerat të dëmtuara. Gërmimet e fundit arrijnë në përfundimin se forumi mund të ketë patur një histori më të gjatë nga ç’mendohej më parë, me dy ose tri faza romake, që i paraprijnë investimit të Anastasit në shek.V.

Kjo tregon se ndërhyrja e shekullit të lartpërmendur mund të ketë qenë një projekt rinovimi i një monumenti ekzistues.

Forumi ka vetëm një hyrje qartësisht të identifikueshme, e cila ndodhet në anën lindore dhe është e lidhur me një vendkalim, hyrje e cila shërben si e tillë edhe sot.

Në mes të saj ekziston një qendër betoni me një podium rrethor me shkallë. Rotonda mendohet se ka shërbyer si baza e një monumenti të rëndësishëm apo si tregues i pikënisjes së Via Egnatias. Asfaltimi  (dyshemeja) dhe kolonada janë tërësisht prej mermeri prokonezian.

Ju ftojmë të shihni videon e realizuar në kuadër të projektit “Eja dhe njih qytetin tim” i mbështetur nga Bashkia Durrës. /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.al)





22:47 Kulturë

Pusi i Tophanës

Pusi i Tophanës është një monument që i përket shekullit t...

Lajmet e fundit nga