web counter
LEXO PA REKLAMA!

SHKARKO APP

App Store
Google Play

E fundit!

x

"Fjalori i madh i gjuhës shqipe", botim i ri me mbi 125 mijë njësi leksikografike

30 Dhjetor 2025, 22:12, Kulturë CNA

"Fjalori i madh i gjuhës shqipe", botim i ri me mbi 125 mijë

Këtë të mërkurë, në një ceremoni të organizuar nga Kryesia e Akademisë së Shkencave të Shqipërisë, u bë dorëzimi i “Fjalorit të madh të gjuhës shqipe”, 2025.

“Fjalori i madh i gjuhës shqipe”, shënon kurorëzimin e punës 5-vjeçare (2021-2025) dhe pasqyron mbi 125.000 njësi leksikografike (rreth 105.000 fjalë në zëra të veçantë, rreth 3.500 fjalë “të fshehura” në kuptime si emra, mbiemra a ndajfolje, rreth 12.500 njësi frazeologjike, rreth 5.000 togfjalësha terminologjikë, rreth 1.200 emërtime shkurtesore, rreth 250 terma të huazuar të paasimiluar grafikisht, rreth 1.650 shprehje të huaja të paasimiluara e rreth 250.000 kuptime leksikore me mbi 1.000.000 shembuj ilustrues për këto kuptime etj.). Ai vjen para përdoruesit të gjuhës shqipe si vepra leksikografike prej kohësh e munguar dhe mjaft e kërkuar.

Fjalori është një vepër e vëllimshme me 27.000.000 karaktere ose 10.800 faqe kompjuterike. Në ceremoninë e organizuar ai u dorëzua si maket i printuar në një kopje dhe u lidh në tri vëllime me nga 3300 faqe A4 secili. Gjithashtu Kryesisë iu dorëzua dhe një kopje simbolike në variantin elektronik (CD).

Gjatë ceremonisë së dorëzimi të veprës u zhvillua një bashkëbisedim i ngrohtë, me diskutime të frytshme për punën e vështirësitë e ndeshura për hartimin e Fjalorit, si e para vepër e këtyre përmasave dhe e kësaj tipologjie.

Vepra do të hidhet në fillim të vitit 2026 në sistemin on-line dhe do të jetë e hapur për përmirësime, për njësime, për shtime e rishikime që do të bëhen nga një grup leksikografësh pranë QBEA-së.





09:24 Kulturë

Rotonda ose Macellum

Sot është një nga monumentet simbol të qytetit të cilën ve...

22:47 Kulturë

Pusi i Tophanës

Pusi i Tophanës është një monument që i përket shekullit t...

Lajmet e fundit nga