E fundit!

21:42 Kronika

Konflikt mes vëllezërve në Kavajë/ Ndërron jetë 74-vjeçari, u godit me thikë

Një ngjarje tragjike ka ndodhur mbrëmjen e sotme në fshati...

Profil/ Jeta dhe filmografia e aktorit të mirënjohur Zhani Ziçishti

25 Shkurt 2026, 10:30, Kulturë CNA

Profil/ Jeta dhe filmografia e aktorit të mirënjohur Zhani

Aktori i mirënjohur, Zhani Ziçishti, u lind më 31 maj të vitit 1940 në qytetin e Korçës dhe u nda nga jeta më 25 shkurt 2026.

Pas mbarimit të studimeve të larta në Institutin e lartë të Arteve, më 1964 Ziçishti fillon punën si aktor pranë teatrit “A.Z. Çajupi” të Korçës, deri në 1994, kur emigroi në Greqi. Me trupën e këtij teatri interpretoi një sërë rolesh duke u bërë i njohur për publikun artdashës.

Profil/ Jeta dhe filmografia e aktorit të mirënjohur Zhani

Ziçishti ka luajtur mbi 70 role në skenën e teatrit “Andon Zako Çajupi”, shumë prej tyre kryesore e të rëndësishme.

Bashkë me brezin e tij, ai solli një mënyrë të re interpretimi, ku shpalosi vërtetësinë e të vepruarit, natyrshmërinë, tonet e buta e psikologjike, saktësinë e synimeve të personazhit, kundër teatralitetit dhe këngëzimit të fjalës.

Profil/ Jeta dhe filmografia e aktorit të mirënjohur Zhani

"Beni ecën vetë"

Veti të tilla u bënë pjesë e njëmendësive që u bëri personazheve në pjesët “Vajza pa prikë”, “Rrethimi i bardhë”, “Shtëpia në rrugicë”, “Mësuesi i letërsisë”, “Qyteti i akuzuar”, “Engjëjt e skëterrës”, “Opera për tri grosh”, “Kopraci”, “Otello”.

Aktori Zhani Ziçishti ka interpretuar edhe në filma të mirënjohur artistikë, në rreth 20 role.

"Agimet e stinës së madhe", Zhani Ziçishti

Roli i parë i aktorit në kinematografi ishte ai i mësues Agronit në filmin "Lumë drite" në vitin 1970.

Aktori Ziçishti në filmin "Lumë drite"

Ndër filmat më të njohur të aktorit Zhani Ziçishti janë “Rikonstruksioni”, “Beni ecën vetë”, “Fije që priten”, “Vajzat me kordele të kuqe”, “Asgjë nuk harrohet”.