web counter
LEXO PA REKLAMA!

SHKARKO APP

App Store
Google Play

Një komedi keqkuptimesh/ “Gruaja e burrit tim” rikthehet në skenë

7 Mars 2026, 10:25, Kulturë CNA

Një komedi keqkuptimesh/ “Gruaja e burrit tim” rikthehet

Në datat 11 dhe 12 mars do të rikthehet në skenën teatrore të kryeqytetit shfaqja “Gruaja e burrit tim”, një komedi keqkuptimesh. Me regji nga Kiço Londo dhe me një kast aktorësh të njohur të skenës dhe ekranit, kjo pjesë me autor britanik vjen me notat e humorit të hollë dhe ironisë së situatave.

Komedia nuk është e panjohur për publikun. Ajo është ngjitur në skenë edhe në vitin 2024, ndërsa në të vërtetë shfaqjen e saj të parë e ka pasur në skenën e Teatrit Kombëtar rreth 28 vite më parë.

Një komedi keqkuptimesh/ “Gruaja e burrit tim” rikthehet

Regjisori Kiço Londo e risolli më pas në skenë me një kast të ri aktorësh, të cilët përmes Teatrit Shëtitës “Çajupi” e kanë afruar atë edhe te publiku i qyteteve të tjera.

Regjisori Londo është shprehur në media më parë se kjo komedi është një farsë brilante dhe ka në fokus dualizmin e njeriut modern, që dëshiron të ndodhet në dimensione të ndryshme edhe në jetën personale. Në këtë kontekst, kjo pjesë mbetet aktuale dhe zgjon në çdo shfaqje ndjesi reflektimi, përtej humorit.

Këtë herë ngjitet në skenën e Teatrit të Kukullave për publikun e kryeqytetit, në orën 20:00.

Teatri Shëtitës ka sjellë vazhdimisht shfaqje për publikun e qyteteve të tjera përpos Tiranës, si i vetmi teatër i këtij lloji në vend. Shfaqjet e fundit të ngjitura në skenë kanë qenë drama “Rendi i ri” në Berat, pjesa për fëmijë “Frikë nga errësira” në Teatrin Skampa në Elbasan, në Himarë, Patos dhe në qendrën “Zyber Hallulli” në Tiranë, pjesa teatrale për fëmijë “Kësulëkuqja” në Rroskovec etj./ CNA

 





09:31 Kulturë Agim Xhafka

Nga fshati në Boston

Rastësisht pashë në facebook Aleksin, shokun tim të gjimna...

Lajmet e fundit nga