web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen detaje tronditëse/ Pas sherrit 24-vjeçari mori pistoletën dhe e qëlloi babain në divanin ku ishte shtrirë

24 Shkurt 2024, 17:12, Kronika CNA

Zbulohen detaje tronditëse/ Pas sherrit 24-vjeçari mori

Gazetarja Klodiana Lala ka bzuluar detaje të reja nga dosja hetimore për rastin e vrasjes së Pëllumb Metës.

Sipas informacioneve të gazetares, ditën e shtunë, data 10.02.2024, rreth orës 15.00, kur Pëllumb Meta ka shkuar në banese ka nisur të konfliktohet me të birin Hysen Metën.

Pas konfliktit, 50-vjeçari është shtrirë duke pushuar në një divan të kuzhinës, ndërsa Hysen Meta ka marrë armën pistoletë TT të cilën në banese e ka sjellë i ati, dhe me të në dorë ka hyrë në kuzhinën ku pushonte babai dhe e ka qëlluar katër herë.

Në momentin kur ka ndodhur ngjarja në banesë nuk kanë qenë nëna e fëmijëve Blerina Meta dhe vëllai A.M 22 vjeç.

Hyseni pas krimit ka dalë nga banesa duke e lënë kufomën aty dhe 19-vjeçarja më pas e ka lidhur dhe e ka mbështjellë viktimën me çarçaf.

Sipas gazetares Klodiana Lala, 19-vjeçarja ka lënë gjurmë duke mbështjellë gërshërët bashkë me trupin.

Më pas Blerina dhe vëllai 22-vjeçar kanë mësuar për vrasjen ku në darkë kanë nisur hapjen e gropës ku do të fshihni kufomën dhe më pas armën dhe gëzhojat.

Po ashtu dy vëllezërit kanë larguar dhe makinën nga banesa. Të nesërmen ajo ka parë që tek kasollja ishte lëvizur dheu dhe ka mësuar se aty ishte varrosur kufoma.

Vendit përsipër i ka hedhur disa pllaka betoni dhe kashtë që të mos dukej vendi i gërmuar nëse vinte për kontroll policia.

Pas dy ditësh i vëllai ka bërë denoncim në polici për humbjen e babait. Kanë biseduar me njëri tjetrin që nëse do të zbuloheshin nga policia ajo do të merrte përsipër fajësinë e autorësinë e ngjarjes.

E ëma pas kësaj ka pastruar dhomën si dhe divanin mbi të cilin ishte shtrirë Pëllumbi kur u qëllua e kanë ngjitur në katin e dytë.

Policia një ditë më parë zbardhi ngjarjen dhe autorin e vrasjes,që ishte 24-vjeçari Hysen Meta dhe jo 19-vjeçarja H.M./ CNA





Lajmet e fundit nga