Vrau me dy plumba të dashurën/ Zbardhet ngjarja, 23-vjeçari xheloz "i sëmurë" dhe nën ndikimin e drogës

4 Dhjetor 2022, 09:21, Kronika CNA

Vrau me dy plumba të dashurën/ Zbardhet ngjarja, 23-vjeçari

Foto ilustruese

Oficerët e Policisë së Sigurisë po shqyrtojnë me kujdes të gjitha provat që kanë mbledhur në lidhje me vrasjen e 19-vjeçares shqiptare në një apartament në Pire.

Vrasja ndodhi në orët e para të së shtunës, kur 19-vjeçarja shkoi në shtëpinë e partnerit të saj 25-vjeçar, të dy me origjinë shqiptare, në rrugën Vamva 18 në Pire. 19-vjeçarja punonte në një lokal në Kallithea, ndërsa 25-vjeçari në një lokal nate në Pire.

Tensionet në marrëdhëniet e tyre ishin të shpeshta, sipas burimeve policore. 23-vjeçari pasi qëlloi dhe vrau partneren e tij me dy plumba në kokë, lajmëroi policinë dhe u dorëzua.

Pak më parë në një postim në rrjetet sociale, ai ka treguar xhelozinë e tij të sëmurë si arsyen e vrasjes së 19-vjeçares. Këtë e ka pohuar edhe në polici pak para se ta arrestonin, se ishte xheloz për të, shkruan "Protothema.gr".

Xhelozia e çmendur, obsesionet dhe kokaina bënë që banakieri 23-vjeçar të vriste partneren e tij 19-vjeçare në shtëpinë e tyre dhe më pas të telefonojë policinë dhe të dorëzohet.

Nën ndikimin e drogës, konkretisht kokainës, ai ka nxjerrë pistoletën që ua kishte marrë një vit më parë disa rumunëve (sipas tij) dhe ka qëlluar dy herë në kokë partneren e tij 19-vjeçare. Sapo ka kuptuar se çfarë kishte bërë, ka lajmëruar Policinë.

Viktima jetonte në një banesë një katëshe në rrugën Vamva dhe shpeshherë vizitohej nga partneri i saj./ CNA.al