web counter
LEXO PA REKLAMA!

SHKARKO APP

App Store
Google Play

Probleme shëndetësore nga temperaturat e ulëta / Detaje të reja për ngjarjen në Vaun e Dejës

3 Shkurt 2025, 16:09, Kronika CNA

Probleme shëndetësore nga temperaturat e ulëta / Detaje të

Mësohen detaje të reja nga ngjarja e ndodhur sot në Vaun e Dejës.

Policia bën me dije se ndryshe nga të dhënat paraprake, nuk bëhet fjalë për plagosje, por si pasojë e temperaturave të ulëta, shtetasi ka pësuar ngrirje të gjymtyrëve dhe për këtë arsye, ka kërkuar ndihmë.

Sipas informacioneve, shtetasi F. D ndodhej në një stan, në vendin e quajtur “Fusha e Liqenit”, në fshatin Shllak.

Për shkak të terrenit të vështirë në malin e Cukalit, ai u transportua me këmbë nga punonjësit e Policisë drejt ambulancës dhe është jashtë rrezikut për jetën.

Sipas Policisë:

“Rreth orës 11:20, në sallën operative të Komisariatit të Policisë Vau i Dejës, ka telefonuar një shtetas i cili ka thënë se në një stan, në vendin e quajtur “Fusha e Liqenit”, në fshatin Shllak, dyshohet se ishte i plagosur një shtetas.

Pas njoftimit, shërbimet e Policisë kanë organizuar punën dhe kanë shkuar në adresën e dhënë.

Nga veprimet e para hetimore të kryera për këtë rast, rezulton se shtetasi F. D. (dyshohet me probleme të shëndetit mendor) nuk është plagosur, por si pasojë e temperaturave të ulëta, ka pësuar ngrirje të gjymtyrëve, dhe për këtë arsye, ka kërkuar ndihmë.

Për shkak të terrenit të vështirë në malin e Cukalit, ku u gjet shtetasi F. D., ai po transportohet me këmbë, nga punonjësit e Policisë, deri tek autoambulanca që ka shkuar në afërsi të vendngjarjes.

Momentalisht, ky shtetas është jashtë rrezikut për jetën”, - thuhet në njoftim./CNA 

 

 

 





Lajmet e fundit nga