web counter
LEXO PA REKLAMA!

SHKARKO APP

Akt vandalizmi në kishën "Ngjallja e Krishtit" në Ksamil

1 Shkurt 2025, 21:12, Kronika CNA

Akt vandalizmi në kishën "Ngjallja e Krishtit" në

Një akt vandalizmi është regjistruar pasditen e sotme në kishën "Ngjallja e Krishtit" në Ksamil. Sipas përfaqësuesit të këtij objekti kulti, At Pandeli, ngjarja ka ndodhur kur kujdestari i kishës ka shkuar për të mbyllur dyert dhe ka hasur dy persona të dyshimtë.

Njëri prej tyre ndodhej brenda kishës dhe po dëmtonte ikonat dhe objektet e tjera të kultit, ndërsa tjetri qëndronte jashtë dhe e mbikëqyrte situatën. Sapo ata kanë vënë re praninë e kujdestarit, të dy janë larguar me shpejtësi, duke e kërcënuar atë.

Menjëherë pas incidentit, kujdestari ka njoftuar policinë, e cila ka ndërhyrë në kohë dhe ka bërë të mundur kapjen e dy personave të dyshuar pranë një stacioni autobusash. Sipas burimeve, ata po merren në pyetje për të zbardhur rrethanat dhe motivet e këtij akti të rëndë.

Akt vandalizmi në kishën "Ngjallja e Krishtit" në

Kjo ngjarje ka tronditur komunitetin lokal dhe është një akt i papranueshëm që dëmton jo vetëm objektet e shenjta, por edhe besimin e besimtarëve./CNA





Lajmet e fundit nga