web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti në Gramsh/ Pamje dhe detaje të reja për ngjarjen

3 Shkurt 2025, 10:58, Kronika CNA

Aksidenti në Gramsh/ Pamje dhe detaje të reja për ngjarjen

Mësohen detaje të reja për aksidentin e ndodhur sot në mëngjes në fshatin Qerret të Gramshit, si pasojë e të cilit një person humbi jetën.

Sipas të dhënave të fundit, dy automjete, tip “Opel” dhe “Benz” janë përplasur me njëri-tjetrin në aksin rrugor Gramsh-Cërrik. Veç viktimës, mësohet se ka edhe dy të plagosur nga ky aksident, shtetasi E. H. dhe pasagjeri tjetër në automjetin e tij. Të dy personat të cilët janë transportuar për ndihmë mjekësore drejt spitalit të Traumës dhe janë jashtë rrezikut për jetën.

CNA ka siguruar edhe pamje nga vendi i ngjarjes, ku vihen re automjetet e përplasura dhe dëmet e shumta materiale.

Grupi hetimor në vendngjarje vijon punën për zbardhjen e rrethanave dhe shkaqeve të aksidentit

Njoftimi i Policisë:

“Rreth orës 09:00, në aksin rrugor “Gramsh-Cërrik”, automjeti me drejtues shtetasin G. K., 21 vjeç, është përplasur me automjetin me drejtues shtetasin E. H., 39 vjeç.

Nga aksidenti ka humbur jetën shtetasi A. H., rreth 50 vjec, pasagjer në automjetin me drejtues shtetasin E. H., si dhe janë dëmtuar shtetasi E. H. dhe pasagjeri tjetër në automjetin e tij, të cilët janë jashtë rrezikut për jetën.

Shtetasi G. K. është shoqëruar në komisariat, për veprime të mëtejshme procedurale”, - thuhet në njoftim./ CNA





Lajmet e fundit nga