web counter
LEXO PA REKLAMA!

SHKARKO APP

App Store
Google Play

E fundit!

x

I akuzuar për trafik narkotikësh në Itali/ 34-vjeçari arrestohet me qëllim ekstradimin

2 Shkurt 2025, 09:42, Kronika CNA

I akuzuar për trafik narkotikësh në Itali/ 34-vjeçari

Policia e Fierit ka vënë në pranga me qëllim ekstradimin drejt Italisë, shtetasin K. M., i cili ishte shpallur në kërkim ndërkombëtar për trafik të lëndëve narkotike. Ndaj 34-vjeçarit K.M., Gjykata e Milanos ka caktuar masën e sigurisë "arrest me burg", për veprën penale "pjesëmarrja në grup kriminal, me qëllim trafikimin e lëndëve narkotike".

34-vjeçari kishte rolin e transportuesit të lëndëve narkotike për llogari të grupeve kriminale.

Fier/Finalizohet brenda 24 orëve, një tjetër operacion policor për kapjen e shtetasve të shpallur në kërkim ndërkombëtar.

Kapet nga shërbimet e Forcës Operacionale të DVP Fier gjatë operacionit policor të koduar "Transportuesi" dhe arrestohet për t’u ekstraduar në Itali, një shtetas për veprimtari kriminale në fushën e narkotikëve.
Si rezultat i aksioneve intensive të Policisë, të kryera me qëllim kapjen e shtetasve të shpallur në kërkim, si dhe në bazë të informacioneve të siguruara nga inteligjenca policore mbi vendndodhjen e një shtetasi të shpallur në kërkim ndërkombëtar, për llogari të Italisë, shërbimet e Forcës së Posaçme Operacionale në bashkëpunim me Seksionin për Hetimin e Narkotikëve të DVP Fier, organizuan dhe finalizuan operacionin policor të koduar “Transportuesi”.
Gjatë operacionit, u lokalizua, u kap dhe u arrestua provizorisht, për t’u ekstraduar në Itali, shtetasi i shpallur në kërkim ndërkombëtar K. M., 34 vjeç, banues në Lushnjë.
Gjykata e Milanos i ka caktuar këtij shtetasi, masën e sigurisë "Arrest me burg", për veprën penale "Pjesëmarrja në grup kriminal, me qëllim trafikimin e lëndëve narkotike", parashikuar nga Kodi Penal i Italisë.
34-vjeçari kishte rolin e transportuesit të lëndëve narkotike për llogari të grupeve kriminale.
Interpol Tirana dhe Interpol Roma po bashkëpunojnë për ekstradimin e këtij shtetasi, në Itali, thuhet në njoftimin e Policisë./CNA





Lajmet e fundit nga