E fundit!

20:21 Aktualitet

Protestuesit nuk harrojnë Veliajn: I erdhi radha e burgut, të mos lirohet

Protestuesit që mbajnë fjalimet e tyre para Kryeministrisë...

Zbardhen detaje të reja nga të shtënat me armë zjarri në Malësinë e Madhe/ Persona të maskuar qëlluan me 100 plumba

2 Shkurt 2025, 08:45, Kronika CNA

Zbardhen detaje të reja nga të shtënat me armë zjarri

Raportohet se në ngjarjen në fshatin Gruemirë në Malësinë e Madhe, mbrëmjen e kaluar, janë përdorur rreth 100 plumba, duke shkaktuar terror dhe frikë te banorët e zonës.

Tre banorë nga fshati Linaj në Malësinë e Madhe u bënë pre e sulmit me armë zjarri ndaj tyre. Dy persona të maskuar dhe me motor kanë qëlluar në drejtim të një automjeti ku ndodheshin shtetasit me iniciale M. K., B. K., E. K.

Sipas dëshmisë të këtyre tre personave, gjithçka ka nisur në orët e para të mëngjesit të 1 shkurtit. Dy personat e maskuar që po shkonin drejt një zone malore me motor papritur kanë qëlluar me armë zjarri shotgan kamerat e sigurisë në një banesë, të cilat i kishin vendosur për arsye sigurie.

Pas disa orësh, gjatë pasdites, pas orës 18:00, dy shtetasit me motor janë kthyer dhe tre personat, të cilët po i prisnin nëse do ktheshin kanë njohur motorin. Në atë moment kanë tentuar t'i ndalin për t'i pyetur se përse qëlluan kamerat e sigurisë, por këta dy shtetas ende të paidentifikuar kanë vijuar rrugën.

Tre personat janë vënë në ndjekje të tyre për rreth 10 minuta, por dy shtetasit kanë nisur të qëllojnë me automatik kallashnikov. Dy autorët qëlluan në tokë me qëllimin për të ndalur ndjekjen ndaj tyre dhe jo në drejtim të automjetit.

Personi që ndodhej në pjesën mbrapa në motor gjatë largimit është rrëzuar në tokë dhe është futur në një arë duke vijuar të qëllojë edhe nga aty. Ndërkohë personi tjetër ka vijuar rrugën duke qëlluar edhe ai derisa ka arritur të largohet në drejtim të paditur. Tre shtetasit kanë dhënë dëshminë e tyre në komisariatin e policisë Malësi e Madhe duke thënë se nuk e kanë idenë se kush janë shtetasit që qëlluan fillimisht kamerat e sigurisë te banesa në Linaj dhe më pas në drejtim të tyre gjatë ndjekjes me makinë.

Po vijon puna për identifikimin dhe kapjen e autorëve./CNA