E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Dëmtuan objektet e kishës dhe sulmuan rojën/ Arrestohen dy persona në Sarandë

2 Shkurt 2025, 12:22, Kronika CNA

Dëmtuan objektet e kishës dhe sulmuan rojën/ Arrestohen dy

Dy persona me inicialet E.SH (39 vjeç) dhe G.M (49 vjeç), kanë përfunduan në pranga në Sarandë teksa tentuan të grabisnin kishën “Ngjallja e Krishtit” në Sarandë. Gjatë tentativës për grabitje, këta persona dëmtuan objektet e kultit në brendësi të Kishës ndërsa sulmuan fizikisht edhe rojën.

Ndërkohë, rezulton se këta shtetas në bashkëpunim edhe me persona të tjerë janë autorë të grabitjeve në pesë banesa në fshatrat e Bashkisë Finiq, ku kanë vjedhur sende të ndryshme dhe para.

Njoftimi i Policisë Sarandë:

Sarandë/Finalizohet operacioni policor i koduar “Fortuna”.
Falë ndërhyrjes së menjëhershme të Policisë, lokalizohen dhe arrestohen dy shtetas që tentuan të vidhnin sende dhe vlera monetare në kishën e Ksamilit dhe ushtruan dhunë ndaj rojes.

Dy të arrestuarit të dyshuar dhe si autorë të vjedhjes së 5 banesave në fshatrat e Bashkisë Finiq.
Shërbimet e Komisariatit të Policisë Sarandë pas marrjes së njoftimit, më datë 01.02.2025, rreth orës 17:00, se dy persona po tentonin të vidhnin sende dhe vlera monetare në një kishë në Ksamil, kanë organizuar punën dhe janë nisur menjëherë drejt vendngjarjes.

Falë reagimit të menjëhershëm të Policisë, në kuadër të operacionit “Fortuna”, u kapën në flagrancë gjatë përpjekjes për t’u larguar, dy autorët e dyshuar, shtetasit:
• E. Sh., 39 vjeç, banues në Sarandë;
• G. M., 49 vjeç, banues në Sarandë.
Gjatë tentativës për vjedhje, dy autorët e dyshuar kanë dëmtuar objekte brenda kishës dhe kanë dhunuar fizikisht rojen e kishës.

Nga hetimet rezulton se këta shtetas, në bashkëpunim me persona të tjerë, për të cilët vijon puna për identifikimin dhe kapjen, janë autorë edhe të vjedhjes së pesë banesave në fshatrat e Bashkisë Finiq, ku kanë vjedhur sende të ndryshme dhe vlera monetare.

Materialet procedurale u referuan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprat penale “Shkatërrimi ose dëmtimi i objekteve të kultit” dhe “Vjedhja me dhunë”, të kryera në bashkëpunim. /CNA