web counter
LEXO PA REKLAMA!

SHKARKO APP

App Store
Google Play

“Makina pa targa e parkuar para ambasadës”/ Karamuço rrëfen ngjarjen që alarmoi policinë

6 Korrik 2023, 08:34, Kronika CNA

“Makina pa targa e parkuar para ambasadës”/ Karamuço

Eksperti dhe profesori i Kriminalistikës, Ervin Karamuço, ka rrëfyer një ngjarje që ka ndodhur në kryeqytet gjatë ditëve të fundit dhe që ka vënë në lëvizje forcat e sigurisë.

Gjatë një interviste televizive Karamuço tha se një automjet pa targa ka qenë i parkuar para një ambasade të rëndësishme në Tiranë, pa cilësuar se ku.

Eksperti nënvizoi se pasi makina është larguar nuk është parë për dy ditë rresht, çka ka bërë që të ngrihet alarmi pasi targat mund t’i vendoseshin një automjeti që mund të përdorej në ngjarje kriminale.

“Ne kemi bërthamën e përgjimeve. SPAK-u ka një bërthamë përgjimi më vete. Në një zyrë punojnë tre veta. Njëri i policisë së Shtetit, njëri i SPAK-ut. Të tre bënin një punë me 8 orë dhe me rroga të ndryshme. Policit me gjithë dieta i shkon rroga 700 mijë lekë.

Një nga alarmet që ka pasur policia ka qenë një makinë e parkuar para një ambasade të rëndësishme në Tiranë që i ishin hequr targat. Nuk ishte parë për dy ditë rresht makina dhe tani u ngrit alarmi i madh dhe thanë me këto targa mund të bëjnë ndonjë atentat. Dhe kanë ngritur alarmin duke shpërndarë foton e personit që ka marrë targat”, u shpreh Karamuço./ CNA





Lajmet e fundit nga