web counter
LEXO PA REKLAMA!

SHKARKO APP

App Store
Google Play

Kapet me 1 mijë doza kanabis/ Arrestohet 47-vjeçari

5 Korrik 2023, 10:13, Kronika CNA

Kapet me 1 mijë doza kanabis/ Arrestohet 47-vjeçari

Një 47-vjeçar ka rënë në prangat e policisë pasi shpërndante lëndë narkotike në zona të ndryshme në Lushnjë.

Përmes një njoftimi zyrtar, blutë shprehen se shtetasi me inicialet A.N. është vënë nën prangat e policisë si shpërndarës i lëndëve narkotike në qytetin e Lushnjës.

Gjatë kontrolleve në sajë të operacionit të koduar "Delivery” janë sekuestruar 1000 doza kanabis që u gjetën në automjetin dhe banesën e 47-vjeçarit.

Ndër të tjera policia shprehet se po vijojnë veprimet hetimore për dokumentimin e plotë të veprimtarisë kriminale të këtij shtetasi.

“Finalizohet pas një hetimi disamujor me metoda proaktive, operacioni policor i koduar 'Delivery'.

Shpërndante doza kanabisi, në Lushnjë dhe në fshatrat e Divjakës, kapet në flagrancë dhe vihet në pranga 47-vjeçari.

Sekuestrohen 1000 doza me lëndë të dyshuar narkotike kanabis, që u gjetën në automjetin dhe në banesën e këtij shtetasi.

Specialistët e Seksionit për Hetimin e Narkotikëve dhe shërbimet e Sektorit Operacional të DVP Fier, pas një hetimi disamujor me metoda proaktive, të një rasti të shitjes në doza, të lëndës narkotike kanabis, kanë organizuar dhe finalizuar operacionin policor të koduar 'Delivery', në kuadër të të cilit u kap në flagrancë dhe u arrestua shtetasi A. C., 47 vjeç, banues në Lushnjë.

Ky shtetas është ndaluar nga shërbimet e Policisë, në vendin e quajtur 'Pushimi i shoferit', ndërkohë që po udhëtonte me automjetin e tij, në të cilin, gjatë kontrollit, u gjet një sasi lënde e dyshuar narkotike kanabis, e ndarë në qindra doza, gati për shitje.”





Lajmet e fundit nga