web counter
LEXO PA REKLAMA!

SHKARKO APP

App Store
Google Play

Akuzohej për abuzim me tenderat/ GJKKO shpall të pafajshëm ish-kryetarin e bashkisë Pogradec

4 Korrik 2023, 17:41, Kronika CNA

Akuzohej për abuzim me tenderat/ GJKKO shpall të pafajshëm

GJKKO shpalli sot të pafajshëm ish-kryetarin e bashkisë së Pogradecit, Eduart Kaprin, i cili akuzohej për abuzim me tenderin e druve.

Struktura e Posaçme kundër Korrupsionit dhe Krimit të Organizuar ngriti pretendimet se ish-kryebashkiaku i Pogradecit dhe 5 ish-punonjës të kësaj bashkie, kishin kryer shkelje të barazisë në tendera.

Eduart Kapri akuzohej për për kryerjen e veprave penale “Shkelje e barazisë së pjesëmarrësve në tendera apo ankande publike” në bashkëpunim dhe “Shpërdorim detyre” në bashkëpunim.

Sipas SPAK, “fakti i parë penal, lidhet me procedurën e prokurimit ‘Procedurë e Hapur’ me objekt: ‘Blerje dru zjarri’, me fond limit 9 268 000 lekë (pa tvsh), e zhvilluar në datën 27.10.2017, nga autoriteti kontraktor, Bashkia Pogradec”.

Ndërsa “fakti i dytë penal ka lidhje me ngjarjen e datës 28.06.2019, ku janë arrestuar në flagrancë shtetasit Gurali dhe Safet Blaceri, duke vënë dryna me çelës në rrethin e jashtëm në tre shkolla dhe një kopsht, institucione këto që ndodhen ne lagjet nr.2 dhe 5 të qytetit të Pogradecit, të cilat ishin miratuar si qendra votimi nga Komisioni Qëndror i Zgjedhjeve për zgjedhjet vendore të datës 30.06.2019”.

Por, sot GJKKO liroi nga akuzat e tenderit të druve Eduart Kaprin dhe 5 ish-punonjësit e bashkisë së Pogradecit. Nga ana tjetër, po vazhdon gjykimi për akuzën e tentativës për të penguar zgjedhjet lokale në 30 qershor 2019. / CNA.al





Lajmet e fundit nga