web counter
LEXO PA REKLAMA!

SHKARKO APP

App Store
Google Play

Zbulohet një nga skemat e grupit kriminal/ Trafikanti shiste kokainë të përzierë me paracetamol

2 Korrik 2023, 15:33, Kronika CNA

Zbulohet një nga skemat e grupit kriminal/ Trafikanti shiste kokainë

Pak ditë më parë u godit grupi i strukturuar kriminal, “Rrjeti” , ku rezultoi se 52 persona ishin të përfshirë në aktivitet të trafikimit të drogës.

Një nga skemat e trafikantëve është zbuluar nga agjenti i infiltruar i policisë dhe prokurorisë me simbolin ‘K’ që blinte drogë dhe zbulonte se si kryhej shitja e lëndëve narkotike.

Mediat raportojnë se sipas përgjimeve njëri prej trafikanëtve kishte shitur kokainë të përzier me paracetamol.

“Është bërë vendimi për kryerjen e ekspertimit kimik të lëndës të  provës me numër serial unik…, e cila është blerë shtetasit Gavrozh Berati nga agjenti i autorizuar për blerje të simuluar.

Është mbajtur procesverbali i përgjimit ambiental datë 3 qershor 2023, ku është bërë regjistrimi i bisedave i (Gavrozh Berati 01.06.2023 Kokainë).Nga transkriptimi i përgjimit ambiential, personi i autorizuar me simbolin “K” dhe Gavrozh Berati me simbolin “G”, dyshohet se kemi të bëjmë me trafikim të lëndëve narkotike dhe ndër të tjera në këtë transkript shtetasi Gavrosh Berati i ofron “K” “gjysmë diçka të mirë”. Akti i ekspertimit me nr.4989 datë 07.06.2023 konkludon se analiza me GC/Ms për materialin objekt ekspertimi tregoi për praninë e paracetamolit, e cila është lëndë që nuk gjendet në tabelën e lëndëve narkotike. Pesha e materialit pa ambalazh ishte 0.586 gramë.

Nga kontrolli i ushtruar në banesën e shtetasit Gravrosh Berati më datë 29.06.2023 është gjetur dhe sekuestruar një qese transperente brenda kishte një material me ngjyrë të kuqërremtë si i dyshuar si lëndë narkotike e llojit heroinë. Pesha totale është 91 gr me gjithë ambalazh. Kjo sasi është sekuestruar dhe është marrë vendimi për kryerjen e ekspertimit kimik”, thuhet në një pjesë të dosjes hetimore.





Lajmet e fundit nga