web counter
LEXO PA REKLAMA!

SHKARKO APP

App Store
Google Play

Karamuço i tregon policisë mangësitë/ Zbulon "formulën" për zbardhjen e vrasjeve

30 Mars 2023, 16:06, Kronika CNA
Karamuço i tregon policisë mangësitë/ Zbulon
Eksperti i kriminalistikës, Ervin Karamuço

Eksperti i kriminalistikës, Ervin Karamuço, ka folur rreth numrit të lartë të krimeve që po ndodhin në kryeqytet dhe ka treguar disa mënyra se si mund të shmangen këto ngjarje.

Në një inetrvistë për gazetaren Juli Xhakaxhi, Karamuço theksoi se vrasjet dhe krimet më të rënda, po ndodhin gjatë ditës së diel, duke përmendur edhe rastin e atentatit në Don Bosko, vrasjen e dyfishtë mbrëmjen e djeshme në Kavajë dhe atentatit ndaj "Top Channel".

Më tej, lidhur me këtë fakt, Karamuço u shpreh se duhet të ndryshojë metodologjia e policisë për të parandaluar vrasjet gjatë fundjavave.

Ndër të tjera, një tjetër problematikë e prekur nga eksperti i kriminalistikës është edhe nevoja për zhvillimin e mjeteve teknologjike në polici.

Sipas Karamuços, nëse do të ketë kamera sigurie në të gjitha zonat ku ndodh numri më i madh i vrasjeve dhe ku zakonisht autorët e tyre djegin automjetet, kapja e autorëve do të ishte më e lehtë.

"Nëse vijon ky trend i kapërcejmë numrin e viktimave të vitit të kaluar. Duhet të vendoset një teknologji e zhvilluar në policinë e shtetit. Kamerat mund të kishin ndihmuar shumë, mund të kishte ndryshuar metodologjia e policisë së shtetit. Mbas vrasjes së Don Boskos ka pasur takime. Vrasjet po ndodhin vetëm ditët e diela. Policia duhet të vendosë disa spote të tjera, për të gjetur rrugë të reja. Ne kemi një zonë afër Tiranës ku aty digjen makinat dhe aty nuk ka asnjë kamer. Pas çdo ngjarjeje ata lënë një firmë", shprehet ai./CNA.al

 

 





Lajmet e fundit nga