LEXO PA REKLAMA!

SHKARKO APP

Detaje nga të shtënat në Pogradec/ I plagosuri, me precedentë penalë

1 Mars 2024, 17:33, Kronika CNA

Detaje nga të shtënat në Pogradec/ I plagosuri, me

Detajet e para kanë dalë në dritë nga të shtënat me armë në Pogradec, ku ka mbetur i plagosur një person.

I plagosuri është identifikuar si shtetasi me iniciale A. J., i cili rezulton person me precedentë penalë të mëparshëm.

Ai ka qenë i dënuar për grabitje me dhunë dhe transport të emigrantëve të paligjshëm.

I plagosuri ka marrë plumba në bark, dorë dhe këmbë. Aktualisht ndodhet në spitalin e Pogradecit dhe është jashtë rrezkut për jetën. Autor i ngjarjes është shtetasi me iniciale D. M.

Pak muaj më parë, shtetasi A. J u dhunua dhe përfundoi në spital, por nuk tregoi asnjë person që mund të dyshonte.

Sipas informacioneve, ai ka disa konflikte ndërsa pritet të zbardhet edhe motivi i plagosjes nga autori i shpallur në kërkim. Mësohet se edhe autori është me precedentë penalë, për plagosje.

Në vendngjarje janë gjetur 2 gëzhoja plumbash dhe një këllëf thike. Policia ka ngritur postoblloqe për gjetjen e autorit, i cili është larguar nga vendngjarja.

“Më datë 01.03.2024, rreth orës 16:30, në vendin e quajtur "Kryqëzimi i Tushemishtit", gjatë një konflikti të çastit, dyshohet se ka mbetur i plagosur me armë zjarri shtetasi A. J., rreth 27 vjeç, banues në fshatin Buçimas, Pogradec, i cili u dërgua në spitalin e Pogradecit për ndihmë mjekësore, ku ndodhet jashtë rrezikut për jetën.

Shërbimet e Policisë menjëherë kanë shkuar në vendngjarje dhe kanë bërë të mundur identifikimin e autorit të dyshuar të ngjarjes shtetasit D. M., 26 vjeç. Janë ngritur pika kontrolli në hyrje-daljet e qytetit, me qëllim kapjen dhe vënien para përgjegjësisë të autorit të dyshuar.

Grupi hetimor në drejtimin e Prokurorisë po punon për zbardhjen e plotë të rrethanave të kësaj ngjarjeje”, thuhet në njoftimin e policisë./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Lajmet e fundit nga