web counter
LEXO PA REKLAMA!

SHKARKO APP

App Store
Google Play

Arrestohet kambisti/ I sekuestrohen shuma parash të fituara në mënyrë të paligjshme

1 Korrik 2022, 09:16, Kronika CNA

Arrestohet kambisti/ I sekuestrohen shuma parash të fituara në

Në kuadër të operacionit të koduar “Informaliteti”, Policia e Durrësit ka goditur një rast tjetër të veprimtarive të paligjshme të fshehjes së të ardhurave dhe informalitetit.

Mësohet se në pranga ka rënë një kambist 60-vjeçar, i cili ushtronte në mënyrë të kundërligjshme aktivitetin e këmbimit valutor, si dhe fshihte të ardhurat e përfituara nga ky aktivitet.

“Specialistët e Seksionit për Hetimin e Krimit Ekonomiko-Financiar të DVP Durrës, në vijim të punës për goditjen e krimeve ekonomike dhe vënien e autorëve përpara përgjegjësisë ligjore, në kuadër të operacionit policor të koduar “Informaliteti”, goditën një rast tjetër të veprimtarive të paligjshme të fshehjes së të ardhurave dhe informalitetit.

Si rezultat, u arrestua në flagrancë shtetasi M. H., 60 vjeç, banues në lagjen nr. 2, Durrës, për veprat penale “Ushtrimi pa licencë i veprimtarive financiare”, “Fshehja e të ardhurave” dhe “Mospagimi i taksave dhe tatimeve”.

60-vjeçari u kap nga shërbimet e Policisë, në rrugë, duke ushtruar veprimtarinë si kambist, pa licencën përkatëse.

Në cilësinë e provës materiale, u sekuestruan shuma parash, të valutave të ndryshme, të cilat shtetasi M. H. i kishte përfituar nga ky aktivitet i kundërligjshëm.

Materialet i kaluan Prokurorisë pranë Gjyaktës së Rrethit Gjyqësor Durrës, për veprime të mëtejshme.” -thuhet në njoftimin e policisë./CNA.al





Lajmet e fundit nga