web counter
LEXO PA REKLAMA!

SHKARKO APP

App Store
Google Play

E fundit!

x

U paraqit i plagosur në Spitalin e Traumës/ Policia arreston 56-vjeçarin, sqaron ngjarjen

30 Qershor 2022, 13:55, Kronika CNA
U paraqit i plagosur në Spitalin e Traumës/ Policia arreston
Policia e Shtetit

Policia e Tiranës ka arrestuar 56-vjeçarin me iniciale A.Sh., i cili u paraqit ditën e djeshme në Spitalin e Traumës i plagosur.

Përmes një njoftimi, polica bën me dije se 56-vjeçari pasi ka ushtruar dhunë ndaj bashkëshortes së tij, ka tentuar të vrasë veten me armë pa leje.

Në cilësinë e provës materiale u sekuestrua arma e zjarrit pistoletë dhe një sasi municioni luftarak.

“Arrestohet në flagrancë 56-vjeçari që u vetëplagos me armë zjarri, ditën e djeshme.

Specialistët për Hetimin e Krimeve në Komisariatin e Policisë Nr. 3 arrestuan në flagrancë shtetasin A. Sh., 56 vjeç, banues në Tiranë, për veprat penale “Dhuna në familje” dhe “Mbajtja pa leje dhe prodhimi i armëve, armëve shpërthyese dhe i municionit”.

Ky shtetas është paraqitur ditën e djeshme, në Spitalin e Traumës, me dëmtime të shaktuara nga përdorimi i armës së zjarrit.

Nga veprimet hetimore ka rezultuar se ky shtetas, ditën e djeshme, ka ushtruar dhunë ndaj bashkëshortes së tij dhe më pas ka tentuar të vrasë veten me armën e zjarrit që e mbante pa leje. 

Në cilësinë e provës materiale u sekuestrua arma e zjarrit pistoletë dhe një sasi municioni luftarak.

Materialet i kaluan Prokurorisë, për veprime të mëtejshme”, njofton policia./CNA.al





Lajmet e fundit nga