web counter
LEXO PA REKLAMA!

SHKARKO APP

App Store
Google Play

Vrasja e Pjerin Xhuvanit/ Lala: Zyrtarët e policisë i kishin duart të lidhura përballë bosëve të krimit

28 Qershor 2022, 21:37, Kronika CNA
Vrasja e Pjerin Xhuvanit/ Lala: Zyrtarët e policisë i kishin duart
Klodiana Lala

Gazetarja Klodiana Lala zbardhi të tjera detaje nga dosja e Prokurorisë së Elbasanit për vrasjen e bujshme të mjekut Pjerin Xhuvani, katër ditë para zgjedhjeve të 25 prillit.

E ftuar në emisionin “Open” Lala tha se policia e Elbasanit është ndër më të inkriminuarat.

‘Policia e Elbasanit është ndër policitë më problematike, sa i përket inkriminimit të saj. Elbasani është qytet problematik, nyje e trafikut të drogërave të forta, një qytet me 13-14 vrasje në harkuan e dy viteve. Besoj se ata policët i kanë pasur duart e lidhura. Çfarë mund të bënte një zv.drejtor, ku njëri rezulton i përfshirë në skandalin e “Babales”.

Një zyrtar policie që komunikonte 90% të kohës me një personazh problematik. Ata personazhe janë zotër të Elbasanit, janë bosët e krimit, që sundonin Elbasanin. “Nga përplasja e palëve rezulton që mosndërhyrja nga policia, solli jo vetëm vrasjen Pjerin Xhuvanit dhe plagosjen e katër personave të tjerë, por ju lejoi mbështetësve të PS të dominonin në ngjarje”, thuhet në vendim./E.T-CNA.al





Lajmet e fundit nga