web counter
LEXO PA REKLAMA!

SHKARKO APP

App Store
Google Play

Ndodhej pranë “Range Rover-it” të drejtoreshës së shëndetësisë/ Policia konfirmon eksplozivin

28 Qershor 2022, 19:34, Kronika CNA
Ndodhej pranë “Range Rover-it” të drejtoreshës
Foto nga vendngjarja

Policia ka zbardhur detajet e para nga gjetja e një pakoje të dyshimtë në lagjen “Vojo Kushi” të Shkodrës.

Njësia antieksploziv e RENEA-s ka verifikuar se pakoja e dyshimtë kishte lëndë eksplozive, e cila ishte vendosur në afërsi të një mjeti “Range Rover”.

Makina është në pronësi të Suida Kukës, me detyrë Drejtoreshë e Drejtorisë së Shëndetit Publik Shkodër.

“Në vijim të informacionit paraprak për një pako të dyshimtë që u konstatua në lagjen “Vojo Kushi”,  Shkodër, në afërsi të një mjeti “Range Rover”, në pronësi të shtetases S. K., banuese në fshatin Demiraj, Malësi e Madhe, me detyrë Drejtoreshë e Drejtorisë së Shëndetit Publik Shkodër, ju informojmë se:

Në vendin ku u konstatua pakoja e mbyllur erdhi njësia antieksploziv e RENEA-s, e cila bëri shpërthim të kontrolluar të pakos, brenda së cilës rezultoi se kishte lëndë eksplozive.

Grupi hetimor, nën drejtimin e Prokurorisë pranë Gjykatës së Rrethit Gjyqësor Shkodër, vijon veprimet për zbardhjen e rrethanave të ngjarjes, identifikimin dhe kapjen e autorit”, thuhet në njoftim./ B.A. - CNA.al





Lajmet e fundit nga