E fundit!

08:49 Kronika

Vrasja e efektivit në Maliq/ Detaje të reja, zbardhen emrat dhe rrethanat e ngjarjes

Zbardhen detaje të reja lidhur me ngjarjen e rëndë të mëng...

Aksidenti me humbje jete në Durrës/ Policia arreston tre persona

3 Prill 2023, 12:01, Kronika CNA

Policia e Durrësit ka arrestuar drejtuesin e automjetit, i cili përplasi ditën e djeshme motomjetin.

Si pasojë e këtij aksidenti ka humbur jetën pasagjeri i motorit me iniciale M.N.

Kujtojmë se shtetasi A.H., 24 vjeç, drejtuesi i automjetit, pasi ka përplasur motomjetin është larguar menjëherë nga vendngjarja.

Viktima, është goditur edhe nga një automjet tjetër me drejtues shtetasin H. H, i cili gjithashtu është larguar nga vendi i aksidentit.

Ndërkohë është arrestuar dhe drejtuesi i motomjetit.

Këta shtetas u arrestuan nën akuzën “Shkelja e rregullave të qarkullimit rrugor”, me pasojë vdekjen e një shtetasi, dhe “Largimi nga vendi i aksidentit”.

Njoftimi i plotë i policisë:

DVP Durrës

Në vijim të informacionit paraprak të dhënë mbrëmjen e djeshme, për një aksident në aksin rrugor “Sukth-Manzë”, si pasojë e të cilit humbi jetën shtetasi M. N. (pasagjer në një motomjet), ju bëjmë me dije se:

Specialistët e Qarkullimit Rrugor të DVP Durrës kapën dhe arrestuan shtetasit A. H., 24 vjeç, banues në Sukth, H. H., 66 vjeç, banues në Sukth i Ri dhe Gj. R., 43 vjeç, banues në Kullë, Durrës. Rreth orës 20:45, në aksin rugor “Sukth – Manëz”, automjeti me drejtues shtetasin A. H., është përplasur me motomjetin pa targa, me drejtues shtetasin Gj. R. dhe me pasagjer shtetasin M. N. Nga kjo përplasje, ka rënë nga motomjeti, në rrugë, shtetasi M. N., ndërsa 24-vjeçari është larguar nga vendi i aksidentit. Shtetasi M. N., është goditur edhe nga automjeti me drejtues shtetasin H. H., i cili gjithashtu është larguar nga vendi i aksidentit. Si pasojë, shtetasi M. N. ka humbur jetën.

Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Shkelja e rregullave të qarkullimit rrugor”, me pasojë vdekjen e një shtetasi, dhe “Largimi nga vendi i aksidentit”./CNA