web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet si u vra 14-vjeçarja në Shkup/ U përdor armë, pjesë e skemës edhe babai

6 Dhjetor 2023, 13:13, Kosova & Bota CNA
Zbulohet si u vra 14-vjeçarja në Shkup/ U përdor armë,
Vanja Gjorçevska

Ministri i Punëve të Brendshme në Maqedoninë e Veriut, Oliver Spasovski, ka treguar të tjera detaje në lidhje me vrasjen 14-vjeçares Vanja Gjorçevska.

Ministri u shpreh për mediat se 14-vjeçarja humbi jetën pasi u qëllua me një plumb. Ai shtoi se policia ka gjetur dy armë zjarri,  të cilat duhet të kontrollohen për të përcaktuar nëse ndonjëra prej tyre është përdorur në vrasjen e 14-vjeçares.

“Vendimi i saktë i autopsisë do t’i tregojë detajet, megjithatë është një plagë plumbi”, tha ministri i Punëve të Brendshme.

Ministri konfirmoi gjithashtu se policia ka gjetur celularin e të ndjerës e cila u zhduk më datë 27 nëntor dhe u gjet pa shenja jete me datë 3 dhjetor.

I dyshuar në vrasjen e 14-vjeçares është dhe babai i saj, i cili ndihmoi rrëmbyesit me qëllim përfitimin e shumave monetare nga nëna e viktimës.

Ndërsa, koka e grupit, Lupço Palevski, është një personazh i njohur në Maqedoninë e Veriut, pasi është drejtuesi i një lëvizjeje pro-ruse./CNA

 

 





Lajmet e fundit nga