web counter
LEXO PA REKLAMA!

SHKARKO APP

App Store
Google Play

Tubacioni që dërgon gazin rus në Hungari/ Orban kërcënon Brukselin: Nuk votoj kundër Rusisë

24 Janar 2025, 22:46, Kosova & Bota CNA

Tubacioni që dërgon gazin rus në Hungari/ Orban

Bashkimi Evropian kërkon një votim unanim për të zgjatur sanksionet ndaj Rusisë, një situatë që Viktor Orban i Hungarisë dëshiron ta përdorë për të bërë presion ndaj “bllokut” që të detyrojë Ukrainën të rihapë një tubacion tranziti për gazin rus.

Viktor Orban po kërkon rihapjen e një tubacioni që transporton gazin rus përmes Ukrainës në këmbim të mbështetjes së tij për zgjatjen e sanksioneve të Bashkimit Evropian ndaj Rusisë.

BE-ja ka vendosur 15 raunde sanksionesh ekonomike ndaj Moskës që nga pushtimi i plotë i Ukrainës në shkurt 2022, por nuk do të ketë një të 16 nëse anëtarët e bllokut nuk votojnë unanimisht për zgjatjen e masave deri më 31 janar.

Në këtë pikë, Orban kërkon të shfrytëzojë situatën dhe “kërcënon” Brukselin se nëse Ukraina nuk hap tubacionin që dërgon gazin rus në Evron Qëndrore dhe Hungari, atëherë ai nuk do të votojë pro një tjetër sanksioni ekonomik për Moskën.

Mbi 80% e gazit dhe naftës së Hungarisë vjen nga Rusia, dhe Hungaria në fakt ka vazhduar të importojë gazin rus nëpërmjet një rruge alternative: gazsjellësit Rrjedha Turke që del përmes Ballkanit.

Orban ka akuzuar forcat e armatosura ukrainase se kanë sulmuar gjithashtu këtë tubacion dhe ka fajësuar Kievin dhe Brukselin për problemet ekonomike në Hungari.

Ai pretendon se sanksionet e BE-së ndaj Rusisë i kanë kushtuar Budapestit 19 miliardë euro (19.9 miliardë dollarë) në tre vitet e fundit, më shumë se të ardhurat vjetore tatimore të vendit. /CNA





Lajmet e fundit nga