web counter
LEXO PA REKLAMA!

SHKARKO APP

App Store
Google Play

Gati shkëmbimi i dytë/ Hamasi liron katër pengje për 200 të burgosur

24 Janar 2025, 21:41, Kosova & Bota CNA

Gati shkëmbimi i dytë/ Hamasi liron katër pengje për 200

Grupi militant palestinez Hamas njoftoi këtë të premte emrat e katër pengjeve femra izraelite që do të lirohen në këmbim të të burgosurve palestinezë në shkëmbimin e dytë sipas marrëveshjes së armëpushimit në Gaza.

Karina Ariev, Daniella Gilboa, Naama Levy dhe Liri Albag do të lirohen të shtunën, tha grupi.

Shkëmbimi, që pritet të fillojë të shtunën pasdite, pason atë ditës së dielës së shkuar të tre grave izraelite dhe 90 të burgosurve palestinezë, shkëmbimi i parë I kësaj forme pas më shumë se një viti.

Në fazën e parë gjashtëjavore të armëpushimit të Gazës, Izraeli ka rënë dakord të lirojë 50 të burgosur palestinezë për çdo ushtare femër të liruar, kanë thënë zyrtarët. Kjo do të thotë që 200 të burgosur palestinezë do të lirohen në këmbim të katër ushtarëve.

Zyra e mediave për të burgosurit e Hamasit tha se pritet të marrë emrat e 200 palestinezëve që do të lirohen të shtunën në orët e ardhshme. Në listë përfshihen 120 të burgosur që vuajnë dënime të përjetshme dhe 80 të burgosur me dënime të tjera të gjata. /CNA





Lajmet e fundit nga