web counter
LEXO PA REKLAMA!

SHKARKO APP

App Store
Google Play

“Ka marrë fund epoka ilegale e institucioneve serbe”/ Kurti: Kosova ishte copë-copë

24 Janar 2025, 19:14, Kosova & Bota CNA

“Ka marrë fund epoka ilegale e institucioneve serbe”/ Kurti:

Kryeministri i Kosovës, Albin Kurti theksoi në një takim në Llabjan të Artanës, se me të në krye ka marrë fund epoka e insititucioneve ilegale në Kosovës. Kurti, u shpreh se ata që qeverisën Kosovën para tij, e kishin lënë vendin copë-copë.

“Ata tjerët e patën bërë Kosovën, si buxhet e si territor e si institucione copë-copë. Ata edhe vetë janë copë-copë. Mos u merrni me ata fare, përfundimisht me qeverisjen tonë ka marrë fund ajo teza që është e mundshme edhe pazari me strukturat e Serbisë edhe puna për Republikën e Kosovës.

Nuk është e mundshme edhe pazari me strukturat e Serbisë edhe angazhimi për shtetin e pavarur. Këto dy gjëra e përjashtojnë njëra-tjetrën. Populli ynë e ka një shprehje shumë të mirë thotë 'ai që mundohet me i mbajt dy kunguj nën një sqetull e ka edhe një kungull tjetër mbi qafë.

Në Kosovën e pavarur kanë operuar 28 komuna paralele dhe 5 qarqe të tyre. Me qeverinë tonë përfundon epoka e komunave dhe e institucioneve ilegale të Serbisë në Republikën e Kosovës.

Para dhjetë ditësh kemi mbyllur komunat paralele të Serbisë për Lipjan, Obiliq, Fushë Kosovë, Vushtrri, Novëbërdë, Artanë, Kamenicë...sa shumë struktura ilegale e sa shume qarqe kriminale kishte pasur të dashur qytetarë të Artanës, sa që nganjëherë të krijohet përshtypja qe me shumë ka pasur ilegale, paralele e kriminale se zyra shtetërore", tha Kurti. /CNA





Lajmet e fundit nga