web counter
LEXO PA REKLAMA!

SHKARKO APP

App Store
Google Play

Kreu i CDU-së gjermane zotohet të ashpërsojë politikën e migracionit

24 Janar 2025, 17:58, Kosova & Bota CNA

Kreu i CDU-së gjermane zotohet të ashpërsojë politikën

Lideri i Unionit Kristian Demokrat (CDU) të Gjermanisë, Friedrich Merz, është zotuar se do të godasë emigracionin e paligjshëm nëse bëhet kancelar pas zgjedhjeve të Bundestagut muajin e ardhshëm.

Merz tha të enjten se do t'i ndalonte njerëzit pa dokumente të duhura të hynin në Gjermani dhe premtoi të rrisë dëbimet. Deklaratat e tij erdhën një ditë pasi dy persona, përfshirë një djalë dy vjeçar, u vranë dhe tre të tjerë u plagosën në një sulm me thikë në qytetin bavarez të Aschaffenburg.

I dyshuari, i cili është arrestuar, ishte një ish-azilkërkues. Ai ishte i njohur për autoritetet lokale dhe ishte shtruar më parë në një spital psikiatrik dhe thuhet se kishte thënë më shumë se një muaj më parë se do të largohej vullnetarisht nga vendi.

Merz tha se sulmi kishte "shkaktuar tronditje të madhe në të gjithë vendin" dhe e lidhi atë me incidente të tjera teksa prezantoi pozicionin e tij.

“Unë refuzoj të pranoj se aktet e Mannheim, Solingen, Magdeburg dhe tani Aschaffenburg supozohet të jenë normalja e re në Gjermani," tha ai. "Mjaft është mjaft. Ne jemi përballur me rrënojat e një politike azili dhe imigrimi që ka qenë e gabuar në Gjermani për 10 vjet", u shpreh Merz.

Edhe pse është për t’u theksuar se plani i tij ka hasur kundërshtime nga brenda dhe jashtë parlamentit. Nënkryetari i të Gjelbërve, Konstantin von Notz, e quajti atë “jokushtetues dhe jopërputhshëm me ligjet evropiane”. /CNA





Lajmet e fundit nga