web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat e larta/ Europa përfshihet nga flakët, digjen mijëra hektarë pyje

14 Korrik 2022, 17:38, Kosova & Bota CNA
Temperaturat e larta/ Europa përfshihet nga flakët, digjen mijëra
Foto ilustruese

Temperaturat e larta kanë përfshirë nga flakët pjesën më të madhe të Europës, duke djegur mijëra hektarë pyje.

Zjarret vazhdojnë të shpërthejnë në pjesën më të madhe të Europës mes një vale të të nxehtit ‘mbytës’ me temperatura që tashmë janë rritur në 45 gradë celcius dhe pritet të rriten edhe më shumë.

Portugalia është shkatërruar nga flakët e shumta që kanë pushtuar lagjen e Quinta do Lago ku pronat shiten nga 1 milion deri në 9.5 milion paund, ku gjithashtu ndodhet edhe shtëpia e yjeve si Roman Abramovich, Duncan Bannatyne, John Terry dhe Steven Gerrard.

Temperaturat e larta kanë shkaktuar zjarre të shumta gjithashtu edhe në në Spanjë, Francë, Turqi dhe Kroaci. Agjencia shtetërore meteorologjike e Spanjës AEMET tha se ata presin që ditën e sotme të shënohet dita më e nxehtë, duke shënuar mbi 46 gradë Celcius.

Temperaturat e larta/ Europa përfshihet nga flakët, digjen mijëra

Pjesa më e madhe e Spanjës është vendosur në gatishmëri të lartë të mërkurën dhe AEMET tha se disa rajone si Andaluzia në jug, Extremadura në jugperëndim dhe Galicia në veriperëndim janë më të prekurat. Përtej kufirit në Portugali, zjarret kanë shkatërruar rajone, shtëpi, biznese dhe fusha golfi.

Një person ka humbur jetën si pasojë e zjarreve. Në Leiria, Portugalia qendrore, vendasit janë përpjekur të shpëtojnë fshatin ndërsa flakët vazhdojnë të përhapen./CNA.al





Lajmet e fundit nga