web counter
LEXO PA REKLAMA!

SHKARKO APP

App Store
Google Play

S'ka oksigjen dhe ujë/ Drejtori i spitalit Al-Shifa në Gaza ngre alarmin: Izraelitët na kanë rrethuar

17 Nëntor 2023, 10:27, Kosova & Bota CNA
S'ka oksigjen dhe ujë/ Drejtori i spitalit Al-Shifa në Gaza ngre
Ushtarët izraelitë hynë në spitalin Al-Shifa në orët e para të së mërkurës

Drejtori i spitalit kryesor të Rripit të Gazës i bastisur nga ushtarët izraelitë, ka deklaruar së fundmi se në objekt nuk ka oksigjen për pacientët dhe se të plagosuriit apo stafi bëjnë thirrje për ujë të pijshëm.

Muhamed Abu Salmiya tha se kushtet janë "tragjike" në Al-Shifa, ku ka më shumë se 650 pacientë, 500 staf mjekësor dhe 5,000 njerëz të zhvendosur.

Ushtria izraelite tha se operacioni i saj kundër Hamasit po vazhdonte në një "mënyrë diskrete, metodike dhe të plotë". 

Megjithatë, një gazetar i bllokuar brenda spitalit, Khader, i tha Rushdi Abu Alouf të "BBC"-së në telefon se trupat izraelite ishin "kudo, duke qëlluar në të gjitha drejtimet".

Që kur forcat e mbrojtjes izraelite (IDF) nisën bastisjen e tyre në Al-Shifa herët të mërkurën, ato kanë publikuar disa foto dhe video të atyre që ata thonë se janë armë dhe pajisje të Hamasit.

Të enjten ata thanë se kishin gjetur një "bosht tuneli operacional dhe një automjet që përmbante një numër të madh armësh".

"Operacionet snajper vazhdojnë, askush nuk mund të lëvizë nga një ndërtesë në tjetrën dhe ne kemi humbur komunikimin me kolegët tanë", u shpreh kreu i spitalit. 

Ministria e Shëndetësisë e Gazës e kontrolluar nga Hamasi raporton se buldozerët izraelitë "shkatërruan pjesë të hyrjes jugore" të kompleksit mjekësor. Situata vijon të mbetet kaotike./CNA

 

 





Lajmet e fundit nga