LEXO PA REKLAMA!

SHKARKO APP

E fundit!

x

Shqiptari akuzohet si bashkëpunëtor në vrasjen horror të kryer një vit më parë

2 Shtator 2023, 20:18, Kosova & Bota CNA
Shqiptari akuzohet si bashkëpunëtor në vrasjen horror të
Një grua e identifikuar si Shahraban K, majtas, është paditur pas vrasjes së Khadidja O, djathtas. (Burimi: The Independent)

Një shqiptar dyshohet se është i përfshirë në një ngjarje horror të ndodhur në në Ingolstadt, Gjermania jugore një vit më parë, raporton The Guardian.

24-vjeçari kosovar, i quajtur Sheqir K, akuzohet se ka vepruar si bashkëpunëtor me një vajzë 23-vjeçare gjermano-irakiane e cila është paditur për vrasje pasi dyshohet se kërkoi sozinë në Instagram dhe e vrau atë në përpjekje për të falsifikuar vdekjen e saj.

Vajza 23-vjeçare e identifikuar si Shahraban Kh-B, fillimisht mendohej se ishte viktima e vrasjes kur trupi i një gruaje të re u gjet gushtin e kaluar në një Mercedes të parkuar në Ingolstadt, Gjermania jugore.

Disa anëtarë të familjes së saj madje kishin identifikuar trupin e saj, por një raport i autopsisë të nesërmen ngriti pikëpyetje mbi identitetin e saj për shkak të tatuazheve që nuk ishin të identifikueshme. Viktima u bë e ditur më pas se ishte Khadidja O, një blogere 23-vjeçare me origjinë algjeriane nga Heilbronn, në shtetin fqinj të Baden-Eurttemberg.

Gjithashtu prokurorët e shtetit në Ingolstadt thanë se Shahraban Kh-B u akuzua gjithashtu se i kishte ofruar një burri, të identifikuar si A, 10,000 euro për të vrarë vëllain e burrit të saj. Ajo dyshohet se i ka paguar atij një paradhënie prej 5,000 €, por ai i ka marrë paratë pa vepruar sipas kërkesave të saj të përsëritura për të kryer vrasjen. Ajo e ka pranuar akuzën.

24-vjeçari Kosovar, i cili akuzohet se ka vepruar si bashkëpunëtor në vrasjen e kryer nga Shahraban Kh-B pritet të dalë në gjyq. Data e gjyqut nuk është caktuar ende, por nëse mblidhen të gjitha provat dhe vërtetohet se ata kanë kryer ngjarjen në fjalë përballen që të dy me burgim të përjetshëm./ CNA

Lajmet e fundit nga