web counter
LEXO PA REKLAMA!

SHKARKO APP

App Store
Google Play

Zonja e Parë, Jill Biden, infektohet me COVID-19

5 Shtator 2023, 15:11, Kosova & Bota CNA

Zonja e Parë, Jill Biden, infektohet me COVID-19

Zonja e Parë, Jill Biden, u diagnostikua të hënën me COVID-19 shoqëruar me simptoma të lehta, njoftoi zëdhënësja e saj.

Presidenti Joe Biden bëri një test pas njoftimit të infektimit të bashkëshortes së tij, por ai rezultoi se nuk ishte prekur nga sëmundja. Shtëpia e Bardhë tha se presidenti do të mbahet nën monitorim dhe do të vazhdojë të testohet në mënyrë të rregullt.

Derisa të shërohet, Zonja e Parë, Jill Biden, do të qëndrojë në shtëpi në qytetin Rehoboth Beach të shtetit Delauer, tha drejtorja e komunikimit Elizabeth Alexander. Të martën ajo pritej të fillonte vitin e ri akademik në Kolegjin e Virxhinias Veriore, ku ajo është mësuese e gjuhës angleze.

Për shkak të gjendjes së saj shëndetësore zonja Biden po punon me autoritetet e shkollës për të gjetur një zëvendësim të përkohshëm për orët e saj të mësimit, tha zonja Alexander.


Zonja e Parë udhëtoi me bashkëshortin e saj në Florida të shtunën për të inspektuar dëmet e shkaktuara nga uragani Idalia. Presidenti Biden më pas kaloi fundjavën në shtëpinë e tyre në Delauer. Të hënën ai mori pjesë në një aktivitet në Filadelfia dhe më pas u kthye në Shtëpinë e Bardhë.

Presidenti Biden dhe bashkëshortja e tij Jill Biden u infektuan me COVID-19 gjatë verës së vitit të kaluar./ VOA





Lajmet e fundit nga