web counter
LEXO PA REKLAMA!

SHKARKO APP

App Store
Google Play

Seanca e jashtëzakonshme e Kuvendit të RS/ Partia e Dodik-ut bën propozim jokushtetues

2 Shtator 2025, 12:07, Kosova & Bota CNA

Seanca e jashtëzakonshme e Kuvendit të RS/ Partia e Dodik-ut bën

Sot në Banjallukë u zhvillua seanca e jashtëzakonshme e Kuvendit të Republikës Sërpska (RS), me rend dite zgjedhjen e presidentit dhe qeverisë së re të entitetit serb të Bosnjë Hercegovinës.

Qeveria aktuale funksionon me “mandat teknik” që nga 22 gushti, pasi Kuvendi pranoi dorëheqjen e kryeministrit të entitetit, Radovan Vishkoviç.

Si mandatar të ri, Millorad Dodik propozoi Savo Miniçin, edhe pse nuk ka të drejtë kushtetuese për një veprim të tillë, pasi mandati i presidentit i është hequr nga Komisioni Qendror i Zgjedhjeve i Bosnjë Hercegovinës.

Sipas Kushtetutës së RS-së, pasuesin duhet ta propozojë presidenti i entitetit.

Miniç, i cili mban detyrën e ministrit të Bujqësisë, Pylltarisë dhe Ujërave, vjen nga radhët e Aleancës së Socialdemokratëve të Pavarur të Dodik-ut.

KQZ-ja ia hoqi mandatin Dodik-ut pasi Gjykata e Bosnje e Hercegovinës, në fillim të gushtit, e dënoi me një vit burgim, dënim të cilin e zëvendësoi me pagesë monetare, dhe me gjashtë vite ndalim të ushtrimit të funksioneve publike.

Pas kësaj, KQZ-ja shpalli zgjedhje të jashtëzakonshme për president të RS-së më 23 nëntor.

Në përfundimet e një seance, kur u pranua dorëheqja e Vishkoviç-it, Kuvendi i RS-së e ftoi Dodik-un të vazhdojë ushtrimin e funksionit të presidentit, hodhi poshtë zgjedhjet e jashtëzakonshme dhe u kërkoi institucioneve të entitetit të mos bashkëpunojnë me KQZ-në.

Opozita paralajmëroi se me këtë veprim po hyhet në zonën e veprave penale dhe të shkeljes së rendit kushtetues të Bosnje e Hercegovinës.

Kuvendi po ashtu shpalli referendum për 25 tetor, në të cilin qytetarët pritet të vendosin nëse do të pranojnë vendimet e përfaqësuesit të lartë të bashkësisë ndërkombëtare, Christian Schmidt, të Gjykatës dhe të KQZ-së, me të cilat u penalizua Dodik./REL

 

 

 

 

 

 

 

 

 

 

 





Lajmet e fundit nga