web counter
LEXO PA REKLAMA!

SHKARKO APP

App Store
Google Play

E fundit!

x

Putin, vizitë në Pekin/ Merr pjesë në paradën ushtarake

2 Shtator 2025, 08:00, Kosova & Bota CNA

Putin, vizitë në Pekin/ Merr pjesë në paradën ushtarake

Presidenti kinez Xi Jinping dhe homologu i tij rus Vladimir Putin kanë nisur bisedimet dypalëshe në Pekin, në prag të një parade masive ushtarake në kryeqytetin kinez.

Gjatë vizitës në Kinë, Putin vlerësoi marrëdhëniet me Pekinin zyrtar, duke thënë se ato ishin në një nivel të paparë, si pjesë e strategjisë së komunikimit mes dy vendeve.

"I dashur mik, unë dhe i gjithë delegacioni rus jemi të kënaqur që takohemi përsëri me miqtë dhe kolegët tanë kinezë. Komunikimi ynë i ngushtë pasqyron natyrën strategjike të marrëdhënieve Rusi-Kinë, të cilat janë në një nivel të paparë. Ne ishim gjithmonë bashkë atëherë dhe mbetemi edhe tani", tha Putin drejtuar liderit kinez.

Xi i tha Putin-it se marrëdhëniet Kinë-Rusi i kanë rezistuar provës së ndryshimeve ndërkombëtare dhe se Pekini ishte i gatshëm të punonte me Moskën për ndërtimin e një sistemi qeverisjeje globale më të drejtë dhe të arsyeshëm.

Xi do të organizojë të mërkurën paradën ushtarake më të madhe të të gjitha kohërave në Kinë, e cila do të shënojë 80-vjetorin e dorëzimit të japonezëve në Kinë në fund të Luftës së Dytë Botërore, që do t’i shërbejë Pekinit të promovojë diplomacinë dhe forcën ushtarake.

Vizita e Putin-it vjen pasi Xi dhe kreu i Kremlinit kritikuan qeveritë perëndimore gjatë samitit të së hënës./CNA

 

 





Lajmet e fundit nga